怎樣防止書頁的邊出現啡黃色漬

1. 空氣裏面既氧氣仲有係市區酸性既空氣會將啲紙慢慢氧化，所以用膠袋封好係最基本既做法，雖然都會仲有空氣可以入到裏面，不過就可以減少新鮮空氣既滲入及置換，可以令個氧化過程減慢啲。

2. 光照同熱力，特別係紫外光會幫助空氣加速氧化既過程，所以最好將啲書封好之後放入無陽光、石英燈或其他鵭絲燈直射既書櫃裏面，當然如果個書櫃門係唔透光既就最好。

3. 濕氣亦都係另一個加速氧化過程既因素，不過第1點中提及既封密方法亦都係為咗減少過多濕氣入浸既措施。當然，如果你放書間房可以長期保持一個較低既濕度，例如適當地開啟冷氣或者抽濕機調節室內濕度，又或者係個書櫃入面放啲吸濕劑就最好啦。或者真係會多咗開支，但係如果你真係好愛惜你既書，呢個係長期而有效既方案。

至於你所提及既抗氧化物一般情況之下唔用使用，因為會好重皮。

防潮物品就可以如上述佈置，但係無特定既更換時間，因為要睇下你間房本身既濕度，如果你成日開窗、你個書櫃門又封得唔好，就多多防潮劑都唔夠換。冬天乾燥時可以唔用，夏天潮濕就無得走啦。

當然，書容易變黃同紙質都有關，唔單止淨係環境既問題。

其實你都可以用幼砂紙磨下啲書邊，不過治標不治本，不過呢個係二手書店既常用手法，因為佢地治標後，書賣到客人手中，治本既問題就唔使自已煩啦。

希望可以幫到你啦。