老婆去嫁, 話唔要三歲個女, 我要去大陸做野, 又唔要! 個女可以送保良局嗎

嘩,你就想喇,幫你養女,邊有咁便宜既事.
人地保良局,或者更正式來講係社會福利署,只會收孤兒,又或者一個屋企出問題暫時接管d細路,你兩公婆好人好姐就有法律責任照顧到佢18歲.
如果你老婆話唔要,你又真係要返大陸搵食,你就一係搵親戚幫手,一係就請個工人照顧佢,無人幫到你.
如果你有特別既困難,都可以問下社會福利署既,好似有d社區托管社服,可以幫你返工時暫托個女俾人照顧,又或者申請綜援,響屋企睇到個女大d先出去搵食囉.

得罪講句, 你兩公婆根本冇資格做人父母! 咁冇責任同自私!
佢係一個人, 一個流緊你兩公婆既血既活生生既女兒黎架!
佢唔係一盆花或者一件衫! 唔得聞或唔鐘意就放喺人地度, 等第日得間或想果陣時就再攞番啦! 你問問自己啱唔啱!
你地生之前夠竟有冇想楚!
你老婆, 唉! 唔駛多講喇....., 但你係咪唔去大陸唔得??? 個女條命唔緊要過上大陸做嘢! 喺香港會餓死咩? 都係籍口黎啫!

請你想清楚, 你咁做會害咗你個女一世架, 而你都會後悔一世!

如果父母都唔肯要個小朋友 係可以簽紙放棄撫養個小朋友
但同時 你係唔可以領返個小朋友 亦都唔可以探個小朋友
講真 我明白父母都好忙既話 小朋友真係一種負擔 不過佢亦都係你地既責任黎
可唔可以帶埋個囡囡返大陸住?請人照顧佢呢?
係你決定點做之前真係諗清楚先 因為送左個囡囡走就冇得返轉頭咖

就算可以拿得番個女,個女都唔喜歡你啦!養先育女係父母的責任!如果你放棄依個責任,你就唔好指望可以得到D好處!我唔知可不可以送去保良局!不過,我覺得你應該好好養佢囉!你要知道,一個沒有雙親的兒子的感受呀!