[電腦] 怪字問題

如果無搞錯既話，你應該係用緊Firefox睇緊呢篇體育新聞：
http://hk.news.yahoo.com/080617/60/2vwbg.html

呢個係瀏覽器字元編碼既問題，如果應用錯咗既話，字元就無法正確顯示出嚟，反而會出現咗啲亂碼或者怪字。

你既情況主要係因為Yahoo本身個系統設定既問題，始終，有關網頁係基於IE嚟編寫，當開啟Yahoo新聞網頁既時候，用IE開啟時出現怪字既機會會比Firefox低啲。

我自己開Yahoo新聞既時候會用以下既方法：
1. 開啟Yahoo新聞既網頁，然後點選[檢視]、[語言及字元編碼(C)]、[更多字元編碼(M)]、[中日韓語言(A)]、[正體中文香港字Big5-HKSCS]，亂碼或者怪字就會變番正常。

2.如果想下次想改編碼改得快啲既話，可以點選[檢視]、[語言及字元編碼(C)]、[自訂列表(C)...]，開啟[自訂字元編碼方式]介面，然後於左欄中點選[正體中文香港字(Big5-HKSCS)]，再按左欄下方既[加入(A)]，右欄中便會馬上出現了[正體中文香港字(Big5-HKSCS)]，最後按[確定]完成設定。下次再改編碼的話就以更快更方便。

3. 如果想再快些方便些，可以加裝插件Right Encoding到Firefox中，便可以在Firefox裏的右鍵選單中新增[語言及字元編碼]既捷徑，方便好用，不過暫時只支援到Firefox 2.0.0.14，如果你裝既係最新版本既Firefox 3.0，咁你就要等Right Encoding出新版本啦。
[https://addons.mozilla.org/en-US/firefox/downloads/file/1802/right_encoding-0.2.2-fx+tb.xpi]

4. 你可能會見到[檢視]、[語言及字元編碼(C)]裏面有個選項叫[自動偵測(A)]，不過即使你設定咗係[正體中文(繁體中文)]都唔會幫到你，呢樣野我係唔同既版本上都試咗好多次，發覺都唔成功。

5. 或者，你可以安裝插件IE Tab到Firefox中，便可以在Firefox裏用IE正確開啟有關網頁。[https://addons.mozilla.org/zh-TW/firefox/downloads/file/24885/ie_tab-1.5.20080310-fx-win.xpi]

改變字元編碼方式係每次遇上亂碼或者怪字時都要做既步驟，即使改對咗，如果你又重新載入(Refresh)畫面一次，亂碼或怪字又會再次出現，呢樣野真係無計，用得Firefox就要有呢種心理準備隨時要用番IE嚟開番個網頁，或者用IE Tab作為折衷既方法。有時候，開唔到，又要keep住用Firefox既話，都要學下轉轉膊，如果唔係就會玩死自己，始終，為IE設計既網頁仍然係攏斷之中。不過我都用咗4年，已經習慣晒，最起碼依家網頁對Firefox既支援性比起當初用Firefox 1.0既時候好得多。

另外，上面位人兄提及既《香港增補字符集》你最好都安裝埋，因為香港呢度就係有一堆好容易顯示唔到既地方別字。不過如果你只係用緊Windows XP，安裝《香港增補字符集-2001》就可以。

希望可以幫到你啦。

1. 可以安裝香港增補字符集
http://www.ogcio.gov.hk/ccli/chi/hkscs/download.html

2. 以圖像型式取代文字。