點算？鐘意左1個唔應該鐘意的人...

呢一條問題都幾難講...
其實呢..你搞唔搞得清楚你對你個老師個份係鍾意定愛?
鍾意就可能係你同佢比較好傾或者係好玩,又可能係佢嘅樣貌比較好
而愛就唔同喇!問你幾條問題:
1.你想唔想同佢傾計?
2.你對住佢會唔會面紅?
3.你孤獨個陣會唔會諗起佢?
4.你想唔想知道佢嘅一切?(包括身體情況,家庭等等...)
5.你想唔想錫佢?

如果你係呢5條裡面有三條或以上答係..咁你就中招喇!
如果你係愛佢嘅話,我勸你盡量努力咁忘記佢,因為
1.佢始終都係你個阿SIR
2.你地年級相差好遠
3.如果比你地真係開始左,又比學校發現左,到時你同佢都大檸樂
4.好似你所講,佢應該有女朋友,如果佢真係有而你做左第三者咁好衰仔?

點忘記?
有幾個方法:
1.搵過第二個值得愛嘅人,可以留意下身邊嘅人
2.參加多D唔同嘅活動,但盡量係唔係佢教嘅
3.一諗起佢個陣就做第二D野令自己分心,例如同朋友傾下計咁

我知道要忘記一個人係好難,因為我自己都試過
你要明白到你而家只係中二
學業係最緊要嘅,如果因為鍾意左一個人令到自己D成績差晒咪好唔抵?!
你D朋友叫你唔好放棄?咁係害左你嫁咋!
人生可能有幾次戀愛,但係學習機會得一個!
可能你會話到左老左個陣可以再學,
但你認為老左個陣學會比而家教得咁長盡咩?
老師教你其實都只係想你有好成績,係咪?
但你而家就因為佢而分左心,
搞到成績咪無咁好咁佢咪仲唔開心!你都想你鍾意嘅人開心格!係咪?
我推薦你去睇一本書,叫《少女日記》,係三聯書局有得買.
係阿濃作嫁,我睇過個本書,個情況同你都好相似.或者你係入會睇到真理所在.
無論如何,祝你早日忘記佢,加油!

Study Hard, Stupid.

你只係一個中二學生...而佢係一位老師...無論年齡地位你地都唔合呼...!!雖然話鐘意一個人係無錯..但鐘意唔代表你係愛緊佢!!!慢慢學下啦...小朋友!!

中二女校生，我係和你一樣讀女校，但巳是卅年前，我班上的同學喜歡那物理老師，常借故約出來飲下午茶，但和两、三個同學一起的，她們看上去高度很合襯，同學思想成熟有矜持，其餘同學矮少少，看上去不突出，這是願伴她的友情表現。老師沒女友而和我那思想像姐姐的她結交，我們覺得她倆是天造地設的一對，那時是中二，女方完成到中七後，女的做護士就更適合他了，終於一起步進人生教堂，真是愛情長跑的師生戀例子呢！ 說回妳，你和老師身形合襯嗎？思想穩定不別戀其他男性，例如男歌手，暗戀其他美男嗎？如果不是，同學和老師都不會投成功票給妳的，死心吧！而且有些男教師是很無恥，玩弄女學生感情，等你一生要記住佢嘅魅力直至永遠，真係唔抵，傻女！！

我覺得你只有中2，見到有自己喜歡類型的男仔，係會有小小心動。
一會兒沒事了!

唔好再念啦！小心泥足深陷，一發不可收拾。

其實都唔係鐘意左不該鐘意的人阿
我覺得好正常
不過如果個老師有了女朋友的話就要尊重他
而且不要為了他荒廢學業
或影響你選科
但我個人覺得你可以繼續喜歡他
因為喜歡不等於愛~