我想問旺角郎豪坊附近...點去紅館 (急!!!!!!!!!!!)

唔介意行嘅，行 10 分鐘上旺角東站，搭一個站東鐵線到紅磡就是，$3，車程 4 分鐘。
如果介意行嘅，提供兩個方法給你：
1. 港鐵觀塘線旺角站 --> 九龍塘站轉東鐵線 --> 紅磡站。19分鐘，$4.4；
2. 行出彌敦道搭九巴35A / 41A （旺角中心外）或 87D （匯豐銀行對面，藥材鋪門口）坐到總站，經天橋穿過紅磡車站就係，$3.7 - $5.0。唔塞車車程約 15 分鐘。
如果你問我，一定係行上東鐵站乘東鐵！

你/妳可以於彌敦道(尖沙咀方向)搭87D到總站-紅磡鐵路站，即紅館旁。旺角奶路臣街( 彌敦道門牌656號)或旺角豉油街(彌敦道門牌584號信和中心)係最近上車站，車費$5.5。

希望幫到你/妳。

2008-06-18 10:57:46 補充：
班次為6-12分鐘，車程大約20-30分鐘，落車後，5分鐘到紅館。總站係紅磡鐵路站及紅館。一程車便可。

你好。

旺角郎豪坊附近暫時未有巴士直接去紅館架, 建議路線只得兩條:
1) 巴士 -- 響旺角中心選乘6C、30X、212, 響蕪湖街站落車 (車程約20-30分鐘), 步行去紅館 (約要15分鐘)。
2) 港鐵 --- 比較方便快捷, 用旺角東鐵站 (即新世紀廣場), 車程只需5分鐘, 時間亦易遷就。

謝謝。

行要好遠,起碼35分鐘,最方便入港鐵(火車or 地鐵)5分鐘吾使到站