公屋一問,請大家幫忙,我可以點做?

房署好似無明文規定無收入唔可以申請公屋，只知道某些低收入人士可以申請括免或減免租金，而房署只會要求你提供通訊地址唔一定要住址証明。
你只要係香港永久居民、而做緊份part time每月人工唔過7300元就夠資格申請公屋，不過留意你應該屬於「非長者一人申請者租住公屋」申請，而申請一人公屋要以計分編派配額架，計分方法係18歲獲0分，19歲獲3分，20歲獲6分，每一歲加3分，如此類推，直至59歲獲123分為止，咁即係話你有36分唔算多也唔算少啦，入紙申請後房署會先安排你做入息審查，你要預備定最近6個月入息証明等房署審批，如果審批過程順利你就會有個輪侯編號登記在輪侯冊，之後大約等兩年應該就可以派屋，每人有3次選屋機會如果第三次先選到合你心水的屋可能要三、四年先上樓都唔定，不過如果你真係急需搬屋可以同時申請「特快公屋編配計劃」可以優先選屋，不過「特快公屋編配計劃」d屋通常係凶宅或長期無人選擇的蘿底屋，但就算選唔到合心水的特快公屋都唔會影響你正式選樓機會，所以申請左都無蝕底架，而且可能有機會選市區樓及比正常程序快幾倍時間上樓添。
希望以上資料可以幫到你！




非長者一人申請者租住公屋

好多謝你的意見,今日我去了房處,無入息都可以申請,不過要宣誓自己幾時無工作便可,
填寫你的個人資產資料便可,希望可以幫到你

無收入是不接受你的申請的（這個我也煩惱緊），因為怕你沒錢交租！如你是有兼職收入，有過去３個月糧單，便可以嘗試申請！如果你真的是沒有收入，最好的收入證明是綜援金，社署出的證明比任何公司出的薪金證明更有公信力！