canon S5 IS vs canon G9

呢兩部機來講,G9比較着重質素,S5 is則着重長焦距.

G9既CCD比較大,雖然佢像素多翻小小,但計起來每粒像素依然比S5 is大15%左右.CCD大代表吸光能力好,通常雜訊控制,層次感都會較好.而且G9只係6倍光學變焦,S5 is有成12倍,鏡頭變焦倍數越大越難做得好,所以綜合起來,G9畫質會較好.
G9仲有一個優點係可以影raw,如果你有心機執相,可以做到好效果既機會更大.
至於S5 is,最大賣點當然就係36-432mm既超好用焦距.而且望遠端光圈仲保持到f3.5唔算太細,比較可惜既係冇好似其他牌子咁有埋28mm廣角.
不過要留意長焦距拍攝對相機要求好高,光線充足或者影下唔郁既嘢冇大問題,但係低光動態畫面就唔多掂,會出現zoom到但影唔到的情況,如果你諗住用來追星就多數會失望.
微距方面,G9可以做到1cm最近對焦距離,S5 is仲勁,係0cm,不過實際上0cm鏡頭太貼主體,實際上好難用的.所以兩部機其放大率其實差唔多.
另外S5 is機身會稍笨重,但係佢可以用AA電做電源,比較方便同平.
以下網頁可以睇到相機規格
http://dcfever.com/cameras/database.php
你俾我揀,我會揀G9,始終大炮機唔係咁常用,而且功能兩頭唔到岸,我寧願常用題材方面做好啲.