請大家教下我/..(關於係網上bid野..)

點比錢方面
睇下對方接唔接收面交 / 郵寄
面交就安全D,即係你同佢約出黎,一手比錢,一手比貨
咁就睇下你同佢住既地方接唔接近
如果一個住香港,一個住新界,咁就好難面交到吧-_-
如果勉強面交,大家既車費都可能超貴

所以如果面交地點唔接近,用郵寄就較好,無咁貴
咁郵寄既話,你地唔可以一方交一手
點錢方面,通常2個方面,銀行入錢同郵寄錢
銀行入錢係佢比個銀行戶口你
你去指定銀行排隊,之後去到窗口,話比銀行職員知個銀行戶口同埋入幾多錢
咁你比錢佢,佢就會幫你入錢落該戶口
之後你就會有一張入數紙,證明你入左幾錢,入左落咩戶口
當對方確認左你入左錢,佢就會以郵寄方法寄件野比你!

郵寄即係對方,將件野包好
之後因為郵局會根據郵件既重量而需要一定既郵費
即係你要比左郵費,郵局先幫你寄野
唔通郵局幫你免費寄咩-___-
咁對方會拎件野去郵局,磅下幾重
之後郵局既人就會話佢知要幾錢郵費
咁貼上一定郵費既郵票,放落郵筒寄比你
之後係佢寄出後幾日左右,你就會收到張卡
咁你拎住張卡,去郵局領取郵件就0K!

而郵寄錢即係同上
你將D錢用紙包好,入落信封
即從信封外睇唔出入面係錢
因為郵局唔允許寄錢,被發現既話
D錢會被沒收
之後你信封面寫對方對址,信封背後寫自己地址[即回郵地址]
回郵即係即使封信寄失,都有機會寄回比你
之後你貼左郵票,$1.4,放落郵局即可
- - - - - -
面交係最安全
因為一手交一手,你又可以CHECK清楚件野有無問題先比錢
如果郵寄,到時件貨有問題,要退之類都好麻煩
而且郵寄有一定風險,即係可能會寄失,件野唔知去左邊

所以銀行入錢都一定最安全
畢竟寄錢,比郵局發現/寄失,咁你就會損失左D錢架啦
而銀行入錢,咁對方就一定會收到你D錢
- - - -
再有唔明,歡迎聯絡我
THZ

第1你可以直接約個賣家出離交收
2.可以由銀行過數比賣家..賣家會郵寄比你
郵費有時自己比有時就賣家幫你比
但我覺得直接約個賣家出離最好
因為唔使左等右等
直接約賣家出離
一手交錢一手交物品為最好