我都想o係廣華生bb呀

首先你要到私家診所驗孕，（大約＄１００～＄２００）拎張醫生紙去你居住ｏ個區ｏ既公立醫院登記．
登記後會叫你去健康院排期做產前檢查．（香港永久居民免費）ｏ係政府生ｂｂ係ｏ係健康院做產前檢查而唔係醫院做ｏ既．
但政府的檢查就好普通，只係同你抽血，磅重，驗小便，所以你每次檢查都要帶個樽裝小便，我自己就用紙杯，方便ｄ．另外會ｏ係懷孕初期同你照一次３ｄ超聲波，只會度ｂｂ頭圍大小，唔會做其他野．

同時你都可以搵私家醫生ｃｈｅｃｋ住．收費有平有貴．
我上年懷孕４個月前睇ｏ個個係３ｄ，大約＄４００／次．
５個月後可以照到男定女就轉左去睇４ｄ，大約＄６００／次．
私家醫生會話你知男定女外，仲會幫你留意ｂｂ大小，有無兔唇，心臟＆胎水正唔正常．．．
懷孕７個月前都係兩個月先覆一次診，８個月開始就１個月一次．

好多人都係政府私家兩邊睇，雖然私家每次收費貴，但實際都係睇４～５次，而且可以ｃｈｅｃｋ晒所有野！
我住屯門區，本來都想去廣華生（因為聽人講，話呢間醫院好ｄ），但因為而家政府已經分區，即係你住邊區就要去返所屬ｏ個區ｏ既醫院，所以我最終都係ｏ係屯門醫院生．
當然你可以虛報朋友或親戚ｏ係ｏ個區ｏ既地址，但係如果你咁做，你產前檢查＆產後檢查都會ｏ係該區，懷孕初期當然無問題，但到後期個肚開始大，又要搭車，舟車勞動你會幾辛苦．
其實而家政府醫院間間都幾好，可能多左人投訴．我生ｂｂｏ個陣都成日聽人講屯門醫院呢樣唔好ｏ個樣唔好，但到我真係生時，發覺又唔係咁，上至醫生，下至嬸嬸都好好．

首先,你要去睇醫生check下,確定你真係懷孕之後,你叫佢幫你寫張轉介信,跟住你去健康院or政府醫院排期睇婦科醫生就得啦.

仲有,你而家要check下o的醫院有無位先,因為某o的醫院好似full哂,所以你去之前可以打電話問下先.

其實健康院同政府醫院係一樣的,只不過健康院係屬於衛生署,而政府醫院係屬於醫管局.如你去健康院睇醫生,佢地會安排你去佢地個區的政府醫院生產,因有些人比較喜歡就近的地方而選擇.所以都係要睇你自己個人喜好.

你唔係住個邊係唔可以去廣華,因為而家政府o的醫院已經分o西區,你住邊度就去個區間醫院睇醫生,除非你問人借住址,但係如果你係屋企有事發生的話call白車,佢地係唔會車你去廣華的,只會車你去最近個間醫院.所以如果你住個區間醫院無咩問題的話,我就建議你都係去屋企附近個間會好o的.其實間醫院好唔好,其實好睇自己好唔好彩,有時o的人話個間醫院好,但不代表你住的時候你會覺得好,所以你會發現有人話廣華好,亦有人話佢唔好.

o係健康院or政府醫院做產前檢查係不用收費的(大陸孕婦除外),不過他們不像私家醫生一樣每次覆診會幫你照超聲波,他們只會於你第一次睇醫生同埋你懷孕大約5-6個月左右幫你照超聲波,仲有佢地幫你照超聲波係唔會話比你聽BB個性別的,有時有o的人可能會講比你知,不過呢o的人唔多.

我諗你要考慮清楚啦!
我係3月份係廣華生完bb,我發誓就俾一百萬我都唔會再去廣華生!!
我朝早穿水入院,係待產室痛到下午6點幾,感覺到要生啦,叫姑娘點知佢用串爆既態度講:生得?!你生得出先算啦!我睇你要痛到第2日囉!!到左7點啦我真係唔得啦...同佢地講,佢地推左入產房,到我老公陪我生,我7:30左右已經生完啦,諗住無事啦...姑娘叫先生出去等我聯針一個鐘後OK去產房,結果我要夜晚成11點先出到產房!!!!佢地揾個生手既護士幫我聯針呀!!仲搞左我三個幾鐘呀!!!(我問過聯針四五個字就OK搞掂)佢仲要個護士長教佢聯!!!痛到我以為會死囉!!!痛到喊囉...生果陣都未喊呀!陰公...
聯完針之後,個護士長同d姑娘就用好惡劣既態度(似講數囉):李xx,你e+有咩唔滿意咪講囉...你使唔使喊呀??你咁大個人有咩事就出聲啦~你講出黎睇下我地幫唔幫到你!!當時我只想粗口!!!
仲有好多慘事架!!Ｄ阿嬸又惡!!總之你要三思啦!!
廣華三十年就好!!而家就麻囉!!

2008-06-18 15:12:12 補充：
佢既產檢係好求其!!問醫生野佢就想答又唔答咁!!問姑娘就:我唔清楚架,你有問題就問醫生.....

2008-06-21 04:34:20 補充：
係呀~最慘係佢地會係你Ｄ屋企人黎探你果陣變樣囉!!!搞到我奶奶話我扮可憐屈人~~真係憶屈俾你睇都似~~

醫術好睇人囉~~可能我年紀細唔識啦~佢地就揾實習護士幫我聯針~我問過同我同房D媽咪佢地就無咁既情况~有D朝早生完夜晚就可以行得走得tin~得我仲行唔到囉~~痛佢唔俾藥我食~~話唔記得囉~~

總之打死都唔去廣華~~~

2008-06-21 04:37:31 補充：
我都係打死都私家生~~

我現有一個月身孕，我想我這兩天的經驗可以幫到你

先回答你的問題:

健康院只能做一般正常的產前檢查，如有大問題，她們會轉介你去大醫院做。

大醫院因為設備齊全，可以應付所有發生過或未發生過的問題。

你可以去廣華生bb。

無論去健康院或公立醫院做產前檢查是免費的。

我教你怎麼去廣華生bb:

1) 去私人診所或賽馬會診所見醫生驗孕，要取醫生證明，記住叫醫生寫預產期

2) 一般醫生只會轉介你去你住那區的健康院，但你千萬記住不要去登記，一登記就唔可以去廣華做檢查啦

3) 取到醫生證明後，帶ID及地址證明(唔使做假，真架就得啦)立即去廣華婦產科登記，咁你就可以在廣華做檢查

其實在健康院做檢查亦都可以去廣華生仔，只要你臨生前自己坐的士去就ok啦!千萬不要叫白車

但你在廣華做檢查，有護士貼身跟進，你有什麼問題佢地會較容易掌握，對你百利而無一害

當然啦!如果你住太遠，我都係建議你不要咁辛苦，而家香港間間醫院產科都好得架，一般順產開刀都不成問題，暫時在香港未聽過生仔死人的事，所以你放心啦!唔一定要去名牌醫院先安全生到仔

我自己住新界，一樣去QE做檢查，不過就想在法國生，香港地，你想點都得!

2008-06-18 18:13:34 補充：
哇~~~Aiko BB講得好好啊~~真係好有同感

因廣華係老牌子，太多人想去那裡生仔，又有好多大陸人去那裡生，D職員做多了事，自然就串，態度亦較差，不過我相信佢地D醫生技術仍然係好好的。

我第一胎在QE生，我都係QE做產檢，D職員對我好好呀，又親切又有禮貌，產檢過程我感覺好正。

2008-06-18 18:14:22 補充：
到我入院生時，職員又係好好人，但我陣痛時就慘啦!

我都係第一次先知什麼叫「痛」，我叫救命都冇人理我，佢地話係正常，但我眼淚都濕晒枕頭，我就咁痛左20小時，又唔俾打止痛針(後來家人探病時要求佢地打，佢地先幫我打，但都係止唔到痛)，安慰一句都冇。

政府醫院俾家人探病只得三個鐘，這個時候我冇姑娘照顧，都係希望家人倍我﹑同我按摩，佢地一到八點就趕人，搞到我同家人好似上演生離死別戲咁，好淒涼啊!

2008-06-18 18:14:36 補充：
好啦!終於上產房啦，我冇本事，唔可以順產，要開刀，麻醉師同我打針，背部刺完第一針，先話俾我同老公聽，刺錯位……大佬，麻醉針唔同普通打針啊，痛到入骨架，我就咁被佢打左兩針，之後三年內一潮濕，我背部就痛，依家先好好多啊!

生完返房一直到出院，D姑娘又出奇地對我好喎，又好照顧我同BB，所以總的來說，QE其實唔錯架，不過我來緊一胎打死我都係私家生。