眼細的人是否一定帶唔到隱形眼鏡

✔ 最佳答案

我都係上個星期配左隱形眼鏡，
第一次試戴戴左差唔多成個鐘都未戴到，
佢地換左3個唔同嘅人來教我都係唔掂，
最後d職員火滾走開左，叫我戴到再搵佢地。

起初我都以為自己係眼細戴唔到，
但其實原來係因為自己緊張成日想眨眼所以戴唔上，
首先要熟習用左手中間三隻手指向上扯實個上眼瞼同眼睫毛，
再用右手中指拉低下眼瞼，無論如何都唔可以鬆手，
拉到可以完整見到成粒眼珠時，
就用右手食指輕輕cup落眼球個眼珠位度。
呢d基本姿勢我相信d職員都已經教過你喇，
一定要靠你自己意志力撐大對眼唔可以合埋，
同埋手勢(cup上去嗰下)一定要快，因為如果撐開得太耐，
對眼就會乾澀同累，咁就會成日想眨眼了。

你而家手指掂唔掂到眼球先?如果掂得到其實已經好近了﹗
(成功在望) 有時我會用食指輕篤住個眼珠定位，
然後「攝」返個con邊入眼瞼，
又或者拉住下眼瞼，放左隻con上去先推返上眼珠度，
(雖然好唔正確，不過又work喎)
加油啦，會成功的﹗
如果你真係好想戴，就一定要堅持下去，
唔好俾d職員一兩句話打沉你，
緊張一定戴唔到，放鬆d就得嫁喇。

我記得第一次戴，d職員激將法迫我話
「你已經俾左錢買6盒con冇得退嫁喇，你點都要戴到﹗」
於是我同自己講﹕「如果我今日唔得，就一世都唔會學得識，一世都要做四眼妹，所以我唔成功唔會出呢個門口。」
結果都成功左。

你可以去第二間眼鏡舖搵個有耐心d嘅驗光師，叫佢俾sample你試戴，慢慢試至緊要唔好傷到對眼睛，如果真係眼痕/紅/痛，就唔好勉強，抖一陣先再試，戴嗰時儘量保持住隻con有水份夠濕潤，手要夠乾夠定，一股作氣咁戴上去，唔好猶豫就得的了。

除非係你對con藥水敏感或其他眼科問題(如眼發炎、乾眼症...etc)而戴唔到con，如果你唔係以上情況，「眼細戴唔到」好可能係d職員一時晦氣說話吧? 冇問題嘅，我識好多人眼細都一樣戴到。

眼細的人是否一定帶唔到隱形眼鏡

回答 (2)