✔ 最佳答案
你情我願無話呃唔呃 !! 上床亦係好平常既事, 最緊要係你覺得呢個男人夠唔夠格爬上你張床. 又或者值唔值你俾他上你張床. (如果純粹發洩玩一夜情就無咩所為啦)
不過如果你係諗住同呢個男人發展長遠關係, 建議你唔好俾段關係由上床開始.
問你一個問題, 你覺唔覺得識o左幾個鍾就同人上床有d隨便(男女都係咁話)?? 唔係侮辱你, 不過如果你自己都有d同感的話, 你諗下個男人會唔會覺得你係一個隨便既人?? 他會唔會覺得你今日可以同他上床, 明日又同另一個網友上床?? 你諗下他會點睇你.
人都係犯賤o架, 你諗下你會珍惜一個隨便係街都買到(但係好靚)o既手袋, 定係一個你儲o左成年錢先買到o既二手或者唔知第幾手LV多d丫?? 因為難得手, 所以珍惜.
我唔係扮阿媽, 話女仔唔可以隨便同男仔上床, 亦唔係話一定要係處女老公先會錫你. (如果係o既話, 就唔會有咁多唔係處女o既女仔未嫁啦!!全部都俾第一個男人娶晒返屋企啦!! )
但係唔好俾個男仔(如果你有意同他發展)覺得你係一個可以識半日就上得床o既女仔(就算你係都唔好俾他知) , 男人梗唔介意你隨便啦( 只要你唔係他老婆/女朋友), 你估d男人唔怕戴綠帽呀?? 如果你同他半日就上床, 就算以後你無俾帽他戴, 但見到你同男仔行得埋d, 他都會以為你地有路, 他會諗, 她半日就同我上床啦, 她點解唔會同o個個男人上床呀!
明白嘛??