我係應屆高考生,想問下樹仁大學既學費問題!唔該晒大家!

樹仁學費一年$49,000, 其他大學因為有大學教資會資助, 一年學費係$42,100. 以上全部只是學費, 不包括雜費, 例如: 學生會會費、租儲物櫃費、入學保證金 (如果你沒有破壞或遺失學校物品, 畢業或退學後會全數退還.)、教科書、notes等費用.
樹仁學生申請grant和loan方面, 如果你屋企夠窮(資產及家庭入息水平好低)或者申請綜援, 多數就會學費全免, 再加$3,050生活費資助. 如果有需要, 你亦可以申請2.5%年息貸款, 借貸上限是$34,770. 學生亦可申請免入息審查貸款, 息率會較浮動及息率會比較高.
其實上述資助計劃已經盡量修訂到同其他大學資助計劃差唔多, 但樹仁學生申請的資助計劃比其他大學的申請條件較為苛刻, 因為要求學生必須25歲或以下, 又要沒有副學位或以上學歷. 而且資助金額亦比較少. 假設學生可以獲得全額資助, 在兩個計劃下, 雖然學生獲得的學費資助會一樣, 但生活費資助和低息貸款金額會不一樣, 前者會比較少. 如果學生六年內未能完成學業, 或中途退學、休學或停學, 申請資助的樹仁學生需償還助學金, 而其他大學就沒有這要求.
成績方面, 其實樹仁主要看學生面試表現, 多於高考成績. 雖然如此, 但最好其中一科語文有D或以上, 其他科盡量有2-3科D. 過往亦曾經有高考考到1-2個C的學生申請. 成績愈好, 面試要求就愈低, 但不等於可以有很差的表現.
至於應選擇教院或樹仁, 就要視乎你將來想選擇的職業、興趣和能力. 如果將來想做教師, 而且對教育很有熱誠, 就建議你選擇教院. 如果你有志投身新聞行業, 就建議你選擇樹仁新傳, 樹仁新傳在傳媒界是頗出名的. 新傳workload方面, 我知道一點點. 學校有網上新聞及學校報紙, 不同年級學生會負責發行、採訪及編輯. 三年級可以選擇新聞組或公關組, 新聞組一定要做實習及交實習報告, 公關組可選擇是否做實習.

2008-06-18 09:04:00 補充：
唔係喎, 我學校之前發通告話學生可以申請低息貸款. 你可以睇下: http://www.hksyu.edu/osa/download/finance/Fact%20Sheet%20Homepage%20_FASP%20Improvement__Chi%20Ver.pdf

2008-06-21 17:46:36 補充：
學資處網頁個popup都有講有關消息.

樹仁果隻fasp得免入息貸款, 冇2.5厘果隻低息貸款架