婚後與媽媽居住的問題

其實你諗返相見好同住難 你媽咪同你老公生活上又未必夾
你睇下幾多婚後既女性要同奶奶住 受奶奶氣好慘
而家你屋企就變成你老公同你阿媽住 你媽咪對你當然一定唔會衰啦
但難保你老公同你媽咪相處得一定係好囉
我結婚果陣 大家都講明 我地實會搬出去住 我唔會同奶奶住
我老公亦都唔想同我阿媽住 當然 奶奶果邊婚後其實有比說話我聽咖
但講真 唔係一齊住都咁 一齊住重得了既 所以我死都唔肯同奶奶住
我屋企都係中學果陣離婚 我對落重有個妹 阿媽又唔係冇人冇物
其實就算搬左出去 都可以成日返去探佢既姐 你寧願比你阿媽單單打打煩死
定你寧願老公因為唔肯同你阿媽住唔同你結婚?我明白你好難去取捨
點解唔問下阿媽 婚後搬出去住 但成日返屋企制唔制呢?
你同媽咪講 我嫁左之後係外嫁女 出嫁從夫 我都要尊重老公
當然一樣要尊重媽咪你啦 不如咁啦 比我試下同老公搬出去住一排
如果大家都唔慣既我地再搬返黎同你住好唔好?

2008-06-17 21:01:21 補充：
你重有個細佬個喎 如果你媽咪真係諗住你地結婚之後同你一齊搬出去住
你細佬點??自己一個住定同你媽咪一齊同你地繼續住??
你男友都講得好客氣啦 好聽就買一送一 唔好聽就買一養二
其實係你煩婚後既生活之前 你有冇諗過重要煩下 禮金果d野 好多人係呢關已經有問題出現
你媽咪係咪好貪錢果d人黎咖??定係你地關係真係close到唔可以分開住??

2008-06-19 12:52:12 補充：
其實禮金呢樣野係意頭 禮金呢關都未過到 搬唔搬出去住其實都可以唔使諗住
我結婚果陣 我阿媽都諗禮金諗左好耐 而且佢禮金果方面真係諗住剩袋 只係囉左dd錢買左隻介子仔比我同我老公就算 之後重要話唔擺酒 但要再收酒席錢....因為佢要收埋酒席錢 所以禮金上老公果邊剩係比左18000 本來阿媽厭少 不過我問阿媽 你嫁女定賣女 我結婚定你結婚 擺完酒未搵到屋租 我都係住返自己屋企 阿媽本來想我長住 我唔肯 因為我阿媽已經走過我兩個男朋友咖啦 我唔想佢迫走埋我老公.....

2008-06-19 12:57:12 補充：
其實既然你同你老公都唔係咁想同阿媽住 婚後就真係唔好同佢住 唔係既話 遲早有日有唔開心事發生 我明白你媽咪覺得你比細佬好 所以依賴你 但你媽咪有手有腳 金錢上既照顧 你比家用可以話係應該 但心靈上既依賴 又係咪必要

其實你平時比家用媽咪係咪比好多?佢係咪驚你走左會比少左?
我阿媽就係咁所以先想我同佢一齊住 最後我都係揀搬出去2人世界 點知我阿媽將我成箱嫁裝吞左 重屈我老公做 最後搞到不和....貪錢既後果就係冇左我呢個女
當然希望你阿媽既心態唔係咁 只係想心靈上依賴你就算

2008-06-19 13:00:51 補充：
有時有d野係自己既將來黎 自己個心點諗 就要堅決d企硬d 又唔係叫你同媽咪反目
只係想過2人世界
你要明白你媽咪離過婚 佢可能係擔心你 而且佢應該都好怕寂寞 (佢有冇拍拖呀?)
不過你媽咪都應該要明白返你大個女 出嫁從夫呢個道理 呢d野冇得你單方面可以解決到
除非你婚後同阿媽住 否則真係要好好同佢傾下 一日唔傾佢一日都以為你婚後會同佢一齊住

2008-06-20 13:07:15 補充：
其實我好憎阿媽D男朋友 因為佢地事實上算係外人一個
我搞結婚果陣都係咁 阿媽男友成日加把口 就連後尾我阿媽做出D咁既野都係果個男人教佢
以我所知 人情通常你擺酒前傾掂左先GE 有D人鍾意男家收男家人情 女家收女家人情
有D就唔係既 全數一對新人收晒用黎埋單 所以呢方面要傾 問下自己屋企人同老公果邊咩意見先
我果陣D人情全數比老公阿媽 因為係佢全數出錢擺酒 所以人情全數比返佢用黎找數
剩左佢自己袋 而我同老公就收晒D斟茶利是錢 因為意頭上果D錢本身係比我地GE
其實多數都係邊個出錢擺酒就邊個收人情多GE 不過呢D野點都係要雙方家長一齊出黎傾比較好

2008-06-20 13:15:31 補充：
我身邊朋友入面得一個結婚果陣係比10萬禮金 其他都係10萬以下 因為我地係打工仔黎咋 比10萬禮金果個朋友本身搵得多雙方屋企都有D錢 所以覺得10萬唔算係乜
我家姐結婚果陣比左8888.8添咋 因為老豆話呢D只你意見 唔係賣女 所以有心就OK
我自己之前都有講過我阿媽收左18000禮金 禮金呢D野同擺酒D人情邊個收 都係一定要傾清楚 唔係既話真係好麻煩咖
講真一句 雖然你話你同媽咪感情close d 但講到錢 睇黎你地既感情都過唔到錢呢關....
我同我阿媽就係過唔到呢關 反左面 因為佢真係好鬼貪錢 重要貪埋貪埋拎去貼佬果下我先嬲 養佢重要養埋佢條佬 我真係唔想咁愚孝

你呢個是很典型的家庭問題, 其實無乜答案可以幫到你, 最緊要的是你怎去處理！ 例如, 你呀媽想跟你住, 有無想過搵d類似村屋的地方,你2個住一層, 你呀媽又住一層, 咁樣你又可以2人世界, 你呀媽又可容易見到你, 我覺得你呀媽想同你住, 係因為佢無安全感。
至於你倆結婚的事而 禮金分配等等, 都無標淮答案的, 人人不同, 有d女家收禮金,就唔駛男家俾酒席, 有d係男家俾酒席, 但禮金就係咁以俾封利是就算。 至於收人情, 就仲簡單, 份人情係俾邊個就邊個收囉！ 通常你們的朋友梗係俾你地啦, d親戚就多數俾父、母。
老實講, 你媽自小陪住你,當然唔捨得你嫁, 可以的話,盡量做好d啦, 你未來老公, 如真的愛錫你,應該明白你的處境, 跟他說希望他體諒。 你倆有默契, 就較容易解決。

老實講...你阿媽而家得自己一個, 如果你地結咗婚真係搬走咗, 咁你阿媽咪晚晚得自己一個......佢想同你一齊住, 可能都係唔想一個人
對住四bon牆姐....

不如計劃下...一係找個近阿媽的屋搬(即係可以行到返去嗰d呢),
再同佢講話:第時有咩事都有個照應呀~ or 以後我都可以成日返來,
妳不會孤獨的...

其實我都係過內人,你仲比我還好.由我結左婚都係同奶奶老爺一起住,果種感覺好難受
,同我老公拍拖之前,奶奶都有向我講d難聽的說話俾你聽.你算好架la?
又話者,你媽咪驚人搶左佢個女尼?有d人都會甘諗.

2008-06-17 09:52:55 補充：
其實你媽咪真係對你好好架,你知唔知道,屋企有個老人家其實係寶黎架,你起碼都唔使點樣做發家務,放工返到黎就有飯食la>幾好丫....起碼自已親媽咪會對自已子女好,始終你老公果邊會對你無甘好架.遲d你就明白

我覺得你應該咁做:
你同令壽堂講:媽媽,我都好唔捨得你架,不過我大個女喇,應該有自己o既生活架喇!遲D我同我o既男朋友結咗婚後,你就比我地一齊住喇,我一有空就嚟探你,好嗎?
如果唔得,我都幫唔到你,我六年級炸。

2008-06-18 17:54:39 補充：
如果令壽堂係你補充內所講o既人,請你當我沒答過!!!