無限公司清盤,私人財產會有幾大影響呢?另一半及子女的財產又會唔會受波及嫁?

[匿名]

2008-06-16 9:16 pm

我爸爸的公司是無限公司(A),不是有限公司,主要從事建築及裝修工程,由於大判不給予尾數...問銀行借咗幾十萬比人工工人出糧,但而家仲欠工人人工幾十萬,媽咪有層居屋,無我爸爸名的,但佢倆個無離婚,如果我爸爸不幸要清盤,我媽咪會唔會受影響呢?我媽咪將會退休,退休金會唔會係佢清盤時被迫交還出黎還債?媽咪仲幫老豆買咗份保險好多年,媽咪係持有人,爸爸只係受保人,又會唔會要cut埋我媽咪比錢買的嗰份保險?

我哥哥之前一路用緊我爸爸另一間公司(B)做生意,最近轉返落自己名,仲改咗做有限公司,咁如果(A)公司清盤,之前(B)公司又會唔會受影響??

唔刻各位..我真係十萬火急嫁!!

PS.如果果而家叫媽咪同佢離婚,遲D佢清盤會唔會我媽咪影響無咁大呀??

回答 (1)

2008-06-16 11:49 pm

✔ 最佳答案

1. 清盤只係適用於有限公司，無限公司只有結業；

2. 如果你爸爸是無限公司的獨資老闆，即使無限公司結業，他亦需要私人承擔該公司所有的債務，唔會影響你媽媽及她私人名下持有的資產；

3. 但如果你媽媽亦是無限公司的合伙人，即她亦要私人承擔公司的債務，與你爸爸媽媽是否已離婚無關，那麼債權人可以經訴訟將你媽媽層樓釘契；

4. 如果間公司無你媽媽名，則她不需要承擔任何債務，所有你問的退休金或保險都唔會影響到；

5. 無論你爸爸開幾多間公司，A公司的債務同其他公司無任何關係。

如果你爸爸無能力償還無限公司的債務，他可以考慮申請私人破產，但無論佢申唔申請，只要間公司無你媽媽名就點都唔會影響到佢。

👍 0 👎 0