去菲律賓旅行去宿霧、長灘島定保和島好呀??

其實你可以一次過去晒宿霧同保和島呀~

宿霧最出名o既當然係佢美麗o既海底世界~ 而消費唔高，飲飲食食做下spa relax下幾日已經係樂事~

行程：
第一天
香港搭飛機到宿霧機場，搭酒店shuttle 或者的士返酒店checkin及休息，請注意由於一般酒店checkin 時間是下午2 點，如果你班機早過呢個時間到，你可能要要求酒店給予early check-in~
休息一陣後到麥哲倫十字架、Lapu-Lapu像、教堂等名勝參觀/ 或留在resort relax~ 晚上搭車到Gaisano Country Mall，到商場二樓的Lighthouse 餐廳食出名的乳豬 (Lechon)

第二天
早 d 起身食早餐準備9 點鐘出海，先到海岸保護區浮潛/ 潛水，中午到外島食海鮮餐，d 海鮮超大超正超新鮮，下午繼續浮潛或水上活動，日落前完成返回酒店梳洗~ 晚餐可以幫襯返酒店內的餐廳~

出海浮潛/ 潛水 及上島食海鮮等可以在跟香港人在當地開的潛水店，可以係香港book 定，到時有車接送，你自己send mail 去問下：[email protected]

第三天
朝早可以留係resort relax下，然後lunch 後搭的士到SM Mall食lunch同shopping，同司機講先到旁邊的pier，叫佢停車等你地一陣，你地就落車去買第二朝來回Bohol (保和島) o既船飛，然後上返的士就去SM Mall 行街食野啦~

可以買tee、沙灘拖、芒果乾、芒果汁等做手信~ 由於商場都頗大，而且有好多餐廳，基本上可以行成日，晚上留係Mall 度食飯。食完飯時間尚早，就順道搭的士到Cebu City的waterfront hotel (記住不是機場果間)，果度裝修豪華，有賭場同酒吧等，可以飲下野或者入賭場玩下~

第四天
一朝早起身就搭的士去碼頭，準備搭船去Bohol一日遊，到埗後碼頭會有好多包車的司機，找一個包車約1500p，叫佢帶你地去 d 景點如chocolate hill、眼鏡猴等。傍晚回程返Cebu，玩左成日可以考慮夜晚做個spa或message~ 我無試過呢間酒店的唔知質素如何~

第五天
朝早起身在酒店游下水relax下，中午check out 後行李寄存係酒店，然後可以搭車出去搵食行街最後衝刺，預返時間返酒店拎行李，然後搭車去機場，入禁區後，check-in counter 對面有幾間小商店，係果度買芒果雪糕，會有乾冰同packing，雪糕要寄倉，留返每人550peso買離境稅，然後過關登機返香港~

五日行程完滿結束~

要靚酒店同靚沙灘就梗係長灘或者bohol啦
建議你去左長灘島先啦
因為之前去既時候，試過晚上行market停過兩次電
證明長灘島已經越黎越過份開發
趁佢仲未比人開發得太勁既時候去左先啦
遲啲都唔知個white beach仲keep唔keep到啦
當然喺長灘島既活動
都不外是各式水上活動，island hoping
浮潛、潛水等
而且長灘島有不同國家既美食
希臘菜、意大利菜、各式海鮮等
兩個人大約百幾二百蚊一餐晚飯

宿霧太多人去了,但設備的而且確比長灘島,保和島好, 交通,住宿都好些, 還有宿霧都不會悶啦,因為有水上活動、潛水、飲飲食食, 其實宿霧可以說是太平洋美麗海島, 已經很漂亮的地方啦. 最重要一點要注意,就是菲律賓經常有綁架事出現,所以都是去比較多人的宿霧好些