✔ 最佳答案
粉底要揀咩色,首先要知道你想唔想有美白效果。如果你想白一o的,揀淺色一度都ok,不過記得只係一度好喇,太淺色就會變左戴面俱咁喇。如果你想自然o的,唔想太覺化左妝,揀返自己o既膚色就ok。
遮瑕膏一般都會揀深色一度,不過好多牌子o既遮瑕膏可以選擇o既顏色都唔多,你可以揀一隻近自己膚色或者深少少o既顏色。如果你想遮黑眼圈,就應該揀一隻比自己深色而又偏橙o既遮瑕膏打底,再搽淺一度o既遮瑕膏係上面就可以遮得好o的。
碎粉方面,你可以揀透明或者自己膚色。至於需唔需要淺色o的,同粉底一樣,要睇你自己o既需要。
2008-06-16 23:48:50 補充:
我覺得最好o既濕粉係Covermark水感精華粉底液,又貼又薄又自然,不過價錢就幾貴,4百幾蚊好細支。
Shiseido The Makeup o既碎粉一隻有閃粉,一隻係冇閃粉。我自己就鐘意冇閃粉,雖然冇閃粉,但係搽左之後皮膚一樣好有光澤,而且變得更有透明感,o的粉又幼細,非常自然。價錢唔係好記得喇,好似係2百幾。
2008-06-16 23:48:56 補充:
至於遮瑕膏,如果你想遮o既瑕疵唔算多,make up for ever o既lift concealer($180)幾好用,遮黑眼圈都唔會覺得乾。如果你需要高度遮瑕o既話,就要用到make up for ever - full cover($220)。呢隻遮瑕膏遮瑕度非常高,而且顏色選擇好多,要搵o岩自己o既顏色,一o的都唔難。