請問有冇人知點樣取消租約?

你想取消租約最直接的方法當然係同業主傾掂數，對方同意就可以取消，不過我估計領匯應該唔肯，因為你簽左3年死約而且只係租左半年，如果你單方面違約要賠足，不過你可以解釋你的情況，都有可能未必要你賠足咁多個月租的。

你亦可以嘗試搵下有無人肯頂左份租約，不過即使有人要都要領匯同意先得，現時領匯對承租人的身份要求比較嚴格，佢未必接受的。

另外我唔清楚你係以公司名義定個人名義同領匯簽租約的，如果以公司名義，你可以將間公司賣俾人，對方以同一間公司繼續承租該單位，咁就有機會甩到身。

2008-06-17 14:02:36 補充：
清盤只適用於有限公司，無限公司是沒有清盤的，只有結業，而且無限公司的東主是要私人承擔公司債務的，所以如果你唔交租，領匯可以告你個人，甚至查封你的私人資產例如樓同車。所以唯今之計一係你自己繼續挨落去，否則唯有睇下有無人肯頂左你間公司啦。

任何人想取消租約都一定要搵業主傾,如果唔係就手尾長,唔好自己亂黎,因為哩D係關係到法律,一定要搵業主.