我想買康田苑一問?

康田苑幾正,最主要格式靓,細單位約480尺,2房2廳.同區可以有2房2廳格式得佢同康華苑575尺.大單位約670尺3房2廳亦好實用.

交通方便,近住地鐵及巴士站.附近有2個商場,1個街市.(你住藍田都知啦)

樓齡耐d,近26年,不過早3年造過外牆維修及將食水喉改由牆外鋪設.管理費唔洗1蚊尺,有個坐頭保安同你打下招呼,管理上冇特別,因冇設施.

其實有沒有漏水係講個別單位保養及裝修.個個屋苑都有機會漏水,你要肯睇樓時觀察天花同埋牆身有冇水漬及起泡.

同埋睇下佢大渠改左用膠喉未.因為條喉細單位要肯房換;大單位則要肯廳換.除非你諗住全屋大執裝修,否則未換喉或換喉位置己封死的,唔好諗.

不過,康田苑附近人多車多,記住要開窗聽下嘈唔嘈.一般高層過20樓都ok.否則內園,或向匯景單位會好d.