有關美國軍事漸無人化的問題

多謝goodguy兄睇得起小弟，不過我唔係好明樓主問咩。其實美軍甚至全人類用自動化武器已經唔係啲咩新鮮事，美國早係二戰時已用較簡單既裝置將雷達同防空炮連網做成自動化防空系統。踏入二十世紀六七十年代，當時既戰機用初步使用飛彈同聰明炸彈作戰，其實由嗰陣時開始，至少係美軍已經要倚賴機械人作戰。到後來海灣戰爭、阿富汗同伊拉克戰爭，美國更係愈來愈依靠機械人戰鬥。不過，美軍都無咩大問題出，軍隊作戰仍然有效控制係美軍高層手上，至少以我所知係咁。

如果講到機械人作戰可唔可靠，呢個問題至少有兩個意義。第一個係機械人既效果問題，即係佢地可唔可以有效咁完成任務。呢樣野機械人既表現唔錯，至少以美軍黎講，無論聰明炸彈、主動空對空導彈等都大致可以擊毀目標，不講就真係唔係下下得。美軍有唔少誤擊事件都係因為武器唔夠醒，認唔到自己人而導致誤擊。而且有唔少先進既空空導彈根本就打唔到敵人，甚至有戰例話AIM-120連打六發都唔中敵人。依家既機械人武器無錯係好醒，但始終唔能夠應付極複雜及變化多端既戰場，佢地點都要係較為穩定同簡單既環境先有好表現。

另一個問題係機械人武器既忠誠問題。由於現在既機械人武器智能唔算高，所以暫時未有呢個問題出現。但係將來點﹖其實唔駛太緊張，之前我講過，如果連對軍事唔係好熟悉既荷里活電影人都唸到呢個問題，無理由美軍高層會唸唔到。另外，請留意無論《未來戰士》入面既天網，或《廿二世紀殺人網絡》入面既Matrix，佢地要控制世界都首先要控制全球或至少係美國既核武庫，然後發動全面核戰將人類消滅先至可以統治世界。但係美國既核武指揮系統係牢牢掌握係美國總統同各級指揮官手上，絕對唔會假手於機器，所以能夠發動核戰既只有美軍高層，但絕對唔會係機械人。就算將來真係有機械人控制左一啲武器系統，都最多只會造成好局部既傷亡同破壞，但只要佢地一日控制唔到核武，一日都無辦法毀滅人類文明。

不過講番美軍，佢地有一樣文化係改極都改唔到，就係太倚賴武器打仗。呢樣野係因為美國太富庶，要幾多裝備都有，搞到美軍個人唔識靠有限既資源將場仗打得靈活啲。你好少會聽到美軍同敵人打游擊，同樣亦唔係好識反游擊，反而好多時會用大量高科技武器期望可以壓制敵人。依我觀察，美軍一般軍人雖然頭腦唔算差，而且打仗都幾勇，但佢地同一啲比較靈活既敵人作戰時唔係去唸下敵人會做乜同埋敵人仲有咩選擇，或者唸下點樣裝陷阱等敵人上當。反而佢地係用西醫醫病既手法，即係頭痛醫頭，腳痛醫腳既手法見招拆招。咁樣面對唔係咁醒既敵人時係幾有用，但係要打一啲精甩尾既對手，例如越共同解放軍就唔係幾店，因為佢地會比人牽住鼻子走，雖然美軍好多時都可以靠裝備同訓練既優勢打贏對手，但係咁樣好多時令佢地無辦法得到最好既結果。依家伊拉克既美軍面對差唔多既問題，仗就打贏左，但問題係美國想係伊拉克做乜﹖佢地又想伊拉克當地人點樣發展，呢啲野好明顯係開戰前後美軍高層都無唸，所以就比唔同既敵對勢力利用黎搞事，而美軍亦因此疲於奔命。美軍雖然唔缺乏戰略研究人材，但通常呢啲戰略研究員剩係識研究己方既戰略，但對人地既戰略就唔係咁熟，令佢地係制訂己方戰略時剩係考慮自己既觀點而忽略對手既策略，於是唔係比人有機可乘，就係無法應付突發情況，美軍未來要多啲改善呢個問題。

冇時間，隨便講兩句。
美軍在阿富汗已用無人偵察機殺了塔利斑高層分子——這種無人機實際係遙控飛機。
据最新消息所指，目前在伊拉克試驗部署既地面巡邏機械人可靠性不足，已經取消。
美軍發展無人機械目的是減少人員傷亡。

要打仗既話,機器固然係好,不過要真正完全代替人類
以現時既軍事機械係暫時無可能
而且有一些因素係機器無既
第一 靈活性,現時既軍事機械既機動性仍然有待改進
第二 思考性,機器只會照住命令去做,但總有可能會發生突發事件,機器可能不會變通
當然,時代係會進步,呢兩點都可能隨著科技發達而改善到
但要以機器完全代替人類打仗,可能要再等幾十至幾百年
但打仗呢樣野始終都係會有人類傷亡
所以用機器打仗都係唔會減少人類死亡

機器發生突發事件.可能三次世界大戰之日序幕.

首先
本人看過那個節目
那跟本不是節目
是被美軍包了起來的宣傳易（廣告時段）
內裡介紹的美制武器性能往往被誇大
看一下就好
不要盡信

這些無人的遙控軍備十分昂貴
且絕對不是節目中所說般神奇
那些軍備只要一受強烈電子干擾
就會全部不受控制而失靈
數目再多威力再強也沒有用
這就是無人軍械不能取代真人的原因了

不知樓主所指"何種軍事行動是無人機械代替不了"，事實現在美國已用無人機械來進行暗殺行動，雖然你會話這個行動當時有用人力在現場使用雷射瞄準，但事實美國一早已有自動地貌瞄準系統，電腦能透過衛星，自動地瞄準，祇是可靠性成疑，所以才派人在現場。這亦正中steventtw20所謂，電腦/機械人祇應用於簡單之環境，複雜之環境還會派人員上場，但這種用人情況不會太長久。
最近美國就發生了一起運送核彈事件，有兩個軍方高層被抄，人就是會犯錯，所以將來美國之核武處理，勢必會更電腦化，人之參與控制就會漸漸減少。
如果你有研究過軍事策略(在電腦遊戲)，你會發覺最難對付的是電腦/機械人，不怕死的敵人是最難對付。美國亦深明此點，所以電腦化是美國之軍事主流。
樓主質疑機械人之可靠可以理解，這亦是美國軍方高層的疑問，但因環境關係，一定會有人嘗試全用機械人去打仗，到時你咪知道機械人之能力囉。

2008-06-16 13:45:57 補充：
現在相信祇有捉人行動上不能使用機械人進行。