香港現在仲有沒有酒樓有阿姐推車仔賣點心？

蓮香樓 lin heung tea house
地址 : 中環威靈頓街160-164號
電話 : 2544 4556

一間超舊式茶樓，仲可以用蓋碗茶盅(特色黎架，我學極都唔識用)
最出名既點心係:
豬膶燒賣、豬肚燒賣、雞扎、大包、蛋黃蓮蓉包(招牌貨)、淡水鮮蝦餃、叉燒包、魚肚扎、臘腸卷(好似係秋冬季先有得出)，鴨腿湯飯(點都要試)

不過仲有一個特色之處，就係d老伙記，態度真係...你真係要試下喇~

如果你唔怕嘈，污漕少少，同d伙記有時寸d之外，這一間茶樓點都要試下先得喇~~~

絕對同意樓上“nicoleung24”既意見, 而且一定要試鴨腿湯飯, d湯既味道一流, 如果唔想食飯可改粗或幼麵. 但有一點就是要自己揾位及要搭抬. 如想有位, 就要12前去到,否則有排等.

推介你去美心, 係貴少少, 但係d野真係好食, 不過就係人多要等
其實好多屋村酒樓都係推車仔, 不過唔知你會唔會怕唔乾淨

交通方便, 價格不太貴, 仍有推點心車的酒樓, 請試
金鐘 統一中心 名都酒樓

機場美心酒樓, 我年初上機前去飲茶, 竟然仲有車仔點心, 不過幾貴, 唔化算, 你如果唔怕遠去元朗大榮華酒樓喇, 即係食神韜0個間, 佢係一間好傳統的酒樓, D 點心都幾懷舊的.

有！大埔中心地下東江雞酒家有阿姐推車仔賣點心的午市重有梅菜扣肉同東江鹽焗雞食！全大埔最出名可以一試呀（Sam許）都去食。希望可以幫到你！