' 冰鮮雞 ' 要點整才又嫩又滑.............

白切雞‧

材料:冰鮮雞1隻(約2斤重) .薑4片 ,葱3條 .鹽160克. 熟油/麻油少許

1. 將冰鮮雞用粗鹽洗擦乾淨待用

2. 用大煲煲一水( 需蓋過雞面 )放入薑.葱.鹽等煲滾

3. 將冰鮮雞整隻浸在滾水中,待水再滾起,蓋上煲蓋熄火,

4. 浸30分鈡便可取出,立即用凍開水淋在雞皮上,(可使雞皮爽口)

5. 晾乾水份後,熟油掃勻雞身,待凍後才斬件上碟.






蝦醬炆雞



材料 : 雞件 (用少少糖、生抽及生粉略醃) 、薑片兩三片、蔥花適量，蝦醬兩湯匙。



做法 : 燒熱鑊加少少油爆香薑片，加入雞件炒一會，加入蝦醬炒勻，贊酒，加入水份 (與雞件平面便夠) 蓋上鑊蓋，慢火炆10分鐘，開蓋試味 (由於蝦醬鹹味重，若覺鹹可加少少糖。)，下蔥花兜勻便可上碟。

你可以試下依個方法, 我屋企成日都咁整:

將隻冰鮮雞洗好之後用盬塗係隻雞表面同入面, 放入雪櫃兩小時等佢入味, 跟住成隻雞放入大煲內加水過雞面, 大火將水煲滚, 水滾之後較慢火煮五鐘跟住熄火唔好郁佢, 唔可以打開個蓋, 四個鐘之後先好攞出黎, 隻雞已經完全浸熟晒, 由於係浸熟所以好嫩滑, 包好食架, 我屋企有老人家, 所以通常咁整, 咁就大人細路都食得.
如果想食有味d嘅可以咁做, 當隻雞熟晒攞出黎嘅時候可以落多次盬係表面, 因為攞起時隻雞都仲好熱, 盬會好多溶而且吸收到雞入面, 勁入味好正, 或者加盬焗雞粉係面, 仲正過你出去食, 你試下喇, 真係得架.