我的倉鼠死了！！！！！急急急急急急急急急！！！！！

1)A.睇實都覺得難以了解到邊隻食邊隻先,呢度答到你都只可以話估估下,而且都唔會有肯定既答案,建議你都係唔好去諗答案會較好
我細個一籠兩鼠,都有打死鼠,食鼠既事發生,知道邊隻打第隻,整死第隻既時候,真係好嬲兇手既,會因而忽略兇手,所以如果你會有呢個感覺既話,都係唔去估邊隻食鼠先會好d,咁對呢4隻鼠都會好好多

了解多左倉鼠之後,我就體諒鼠鼠打交食鼠呢d行為,因為倉鼠係獨居動物,根本唔喜歡同第隻鼠一齊生活,一齊住好易會打交or受驚既情況,就算係父母兄弟姊妹都一樣,有血緣關係更加會有亂輪既情況
野生既鼠都唔會住埋一齊,而家既寵物鼠一齊住,都係人類要佢地一齊住,佢地都唔想,為左保護弱小既身體同埋發揮天性,鼠鼠先會打交,有鼠死左,在動物既眼中就係食物,加上又冇野食,就更易會食鼠屍

B.諗邊個係兇手,不如諗下日後點處理4隻鼠鼠,點去避免悲劇發生,唔係更好嗎?而家需要留意既下既事:
a)鼠鼠食過鼠屍,屍體較多細菌,一定要多加留意所有鼠有冇唔舒服
b)受傷既鼠如果有流血既話,用藥用棉花咁住傷口,用鼠專用既外傷藥同佢搽,小心唔好整到眼耳口鼻.
c)將所有鼠分籠,因為鼠鼠係獨居動物,好易出現打交情況,如果受左傷仲勉強佢地一齊,會令情況更嚴重.加上如果有唔同性別,更加會亂倫
d)冇受傷既鼠,都必須要仔細檢查一下真係有冇受傷
e)佢地都受驚啦,受驚好易會有其他毛病,同時要keep住檢查佢地既身體同排泄物有冇其他異常
f)保持個籠乾爽清潔,避免細菌感染
g)如果流血既情況嚴重, 其實都幾難止血,因為鼠鼠本身會爪會咬,如果都係止唔到既,俾佢試下自己處唔處理到.都係唔得既都幾危險,鼠鼠咁細隻,如果不斷流血,好快就會失血過多...盡快帶佢睇醫生啦.
h)睇醫生既話可以考慮一下
大圍珍禽異獸及寵物醫院 DR.TIGER/DR.LAM
Tel: 2687 1030地址:大圍積信街75號地下
http://www.taiwaiexotic.com/

平d可以睇愛護動物協會,但嚴重既話,都可能會叫你睇大圍,因為設備不足.加上醫療車冇得揀醫生
愛護動物協會診所資料:(需入會) Dr. Corla DeWet
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.htm

2)1號鼠成日甩毛,有以下可能:
a)被打到甩毛
b)一籠多鼠鼠鼠易受驚or感到壓力,從而有機會誘發甩毛,肚瀉等疾病
c)就算係好大既籠,一籠幾隻鼠,衛生點都冇咁好,分籠之後都要加緊留意衛生既問題,衛生唔好就易有皮膚病

皮膚病既處理方法可參考以下我回答既知識,字數有限,煩請移步:
http://hk.knowledge.yahoo.com/question?qid=7008042300750

另外,希望你之後可以考慮唔好再繁殖鼠鼠啦,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

最好到是隔籠,因為牠們在打架的話籠裏的倉鼠就會死亡,所有的倉鼠
到要去醫生,還有清潔D血。

我細細個個時...d倉鼠生左bb我會把dad分開住...同埋give food to them要用棉花give food to them..唔係既話ar媽個nose...知道唔係佢既味...佢就會食左佢...so dad要分開住.......唔關邊隻食邊隻事

1號倉鼠你可以分開住....睇下佢點先

有兩個可能:1)可能係3號倉鼠動手先,但係死左之後就比1,2號吃;
2)因為1,2號一直以黎都生活係被蝦當中,所以有可能係佢地一時間發左癲去食5號.

倉鼠同倉鼠打交係好正常ge事,而且通常唔會搞出人命,所以唔使太擔心,如果驚有事ge話,可以分開養...