[20分][假設性問題]以中國的力量可唔可以侵略到美國呢?

炮兵兄呢個問題同樣都係有好多人問過。但呢條問題同大多數政軍議題一樣，要有清淅定義先至有得講。剩係打夏威夷群島、關島或阿拉斯加算唔算打美國本土﹖我估炮兵兄係想問中國有無機會打美國嗰50個州既大本營。其實如果真係要打，未必需要好似樓上位仁兄咁講到要用登陸部隊咁複雜。

要打美國，首先要明白一個道理，就係美國係國際政治上係一個極度安全既孤島，附近根本就無強大既敵國可以利用。而且美國本身極大，國內重要區域多而且分散，人民對政府忠誠極高而且質素亦高，中國要跨過半個地球遠去係敵人遼闊既境內硬碰硬絕對係愚蠢至極既做法。如果調番轉頭美國想係中國境內咁做亦絕對係蠢過隻豬，一定唔可以做。而且中國亦唔可以用核武去摧毀美國，美國係呢方面強中國幾個數量級，如果中國用到核武，咁即係比個藉口比美國用番核武黎打中國，咁至時要滅亡既將會係中國。

要打贏美國，唔係要同佢地寸土必爭，而係要癱瘓佢。美國軍隊係全球同國內分佈極廣，要用極為先進同廣泛既通訊及偵察網絡先至可以令整個軍事機器運作，而呢啲網絡主要都係靠衛星。如果中國有辦法係短時間內破壞美國既天基通訊及偵察網絡，而且仲要破壞埋佢去修補呢個網絡既能力，即係發射軍用航天器既能力，咁美國既整個軍事機器就會好似比人斷左經脈既武林高手一樣，空有一身好武功，但係就絕對駛唔出黎。咁樣美國既各種武器雖然仍然係度，但由於佢地無辦法互相連繫，甚至連比邊個打都唔知，佢地肯定無可能發動有效既進攻。不過即使係咁，有樣野仍然好危險，就係美國既核武庫。美軍可能係無辦法知道邊個打佢既情況下用彈道導彈或航艦戰鬥群上既核武攻打可能既敵人。當中以航艦戰鬥群最具威脅性，因為航艦戰鬥群有最齊全既偵測及通訊設備，佢地係全美軍最有可能知道邊個襲擊佢地並作有效反擊既部隊，所以係癱瘓美國C3I既同時，中國亦必須要搞店各個有可能發動核攻擊既部隊。戰績轟炸機唔難對付，但係陸基彈道飛彈、海基彈道飛彈同航艦戰鬥群係最難應付既，中國必須係癱瘓美國之後不久就要同時殲滅，或至少癱瘓上述既部隊。

仲有，美國國力既主要來源係佢地經濟實力，而美國既經濟主要依靠金融產業。所以如果中國有能力破壞或接管美國既金融經濟，例如摧毀華爾街或銷毀美國金融交易記錄或銀行戶口資料，然後再加上接管或破壞美國既黃金儲備，咁美國就完全無晒經濟實力去支持戰爭，咁佢就要乖乖投降。當然，如果中國要徹底擊敗美國，係癱瘓美國既同時亦要保証自己既軍事機器有效運作先至得。要做齊以上咁多野，唔駛唸已經知難過登天，所以中國如果想完全消滅美國，係現階段真係唔可能。

上面果位講得岩,視我地中國為眼中釘既國家都幾多
其中大部份都係親美國,假如中國真係全力進攻美國既話
其他國家,例如印度,日本,韓國,什至英國都有藉口黎攻打中國
(而俄羅斯,台灣同法國既立場就搖擺不定)
仲有,樓主認為古巴仲有能力向美國發動攻擊嗎?
衣+係古巴都有美軍基地,試問仲有咩機會打美國呢?
如果用游擊戰,都應該可以暫時頂住d美軍
但如果想用游擊戰打到華盛頓- -就根本無可能
而中國都無甘既能力可以去到美國本土
第一 中國既傘兵少 第二 無甘多運兵船
第三 美國戰艦同埋戰機比中國多同埋優良,未過太平洋都全軍
覆沒啦
第四 就算比你上到岸甘又點,無錯中國軍隊係識打游擊戰
但係人地地方,d美國佬點都識過我地中國掛
人地可能連果到有幾個垃圾筒都知,我地可能連果到有無加油站
都唔知
而且樓主你所睇既戲,果時蘇聯既軍事係比美國勁既
但最後都係打唔贏,其中原因係關錢同埋地利
而我地中國錢唔人地多,地利又無,武器唔夠人精良
係以前抗日時期,就算我地d武器幾甘差都可以打贏日本仔
點解?就係因為有地利!!
你自己再研究下啦!!!!

2008-06-16 04:09:57 補充：
假如好似樓主所講借第三國既幫助攻打美國並可行

點解?因為係美國付近既國家既戰鬥能力都唔高
例如加拿大, 墨西哥, 古巴(冰島就更加唔洗講)

你話如果借呢d國家用黎做燃料基地都仲可以既
但要佢地幫我地中國攻打美國, 就根本係自取滅亡

衣+唔再係打人海戰既時代, 唔係人多就一定贏

我地贏唔到美國係為我地中國(無論經濟定係軍事)都比其他國家起步慢(唔好講美國, 什至連德國同埋法國都可能比唔上)

先主內後主外, 我認為要打美國並唔係無可能, 而係要先將經濟搞好
最起碼要人人有書讀, 陪育多d人才(中國最缺乏既唔係錢, 而係人才)

可能有d離題 sorry sorry = =||

中國是西方的眼中釘,很多西方國家對中國虎視眈眈,這不是中國有沒有能力問題,而是一但中國向美國發動戰爭,其他國家會以這個理由攻打中國.so,在這局面中國會很快滅亡.除非中國有極大的戰力,可以足夠攻打其他國家,不過這不太可能.