有咩魚唔洗氧氣泵?

必須澄清樓上一個大謬誤：「可以話咩魚都唔需要氣泵嫁」
大自然冇氣泵，因為乜野水體都有水流，而且水體都係有大面積同空氣觸，所是水可以同空氣交換物質，送走ｄ二氧化碳，溶入一ｄ空氣；加上日間植物由泥中吸炭元素同由水中拎一ｄｃｏ２，產生氧氣，所以大自然中一個天然水體可以有魚而冇氣泵。
一個好大o既缸，只有小量魚，可以冇氣泵，因為需氧少，而水多溶氧量多，可以捱好耐，到你下次換水，已經帶入足夠氧氣。
一個唔係好大o既缸或有好生物o既缸，就一定要有人工作法打氧入水。用頂濾／掛濾出水衝擊水面又好，用氣泵都好，總之就係要。
我地用返「1L 水養 1cm 長o既魚」呢個標準定義是否超養先啦。超養當然令氧氣消耗快ｄ，但你又試下用一個 2L 容器，養一條 1cm 長o既魚毛，一直唔換水、唔打氣、過濾出水放入水唔打水面，單靠水面同空氣接觸得到o既氧唔會夠，最終水中氧氣都會耗盡！如果魚唔駛氣泵，咁停電有得打氣時，ｄ魚浮哂上面吸氣，咪可以唔駛理？
因此，「可以話咩魚都唔需要氣泵」係一個錯誤推理。實情只係：有其他方法增加溶氧的話，可以唔駛氣泵。
而氣泵用於打氣，濾水器用於進行物理、生物過濾，因此「氣泵係可以代替濾水器既供氧能力」一語亦大有問題。如果用水妖（氣動式過濾器）則當別論。
唯一突破到呢個情況o既魚係迷鰓魚（labyrinth fish），皆因佢地o係原生地ｄ水係低氧同冇乜水流，甚至只係一個水氹，所以發展出一個叫迷器（labyrinth organ）o既器官，入面係好多好幼o既管，附o係鰓度。迷鰓魚就用呢個器官，直接吸空氣！
迷鰓魚有好多種，大都對水質有好強o既忍耐力。鬥魚、馬甲、曼龍等都係一ｄ好例子。最易養當然係鬥魚啦，因為體型細，一個缸仔已經夠，對器材要求低，亦唔係貴（當然亦有貴o既種類，豐儉由人）。日常管理只要一星期換一次水，一日或隔日餵食，已經足夠。
樓上講o既養水、新魚對溫對水先入缸、水溫我冇意見。pH 值方面鬥魚就以偏酸為佳，但用化學劑係下策。對鬥魚而言，最好用水草泥做底，或加酸葉，當中天然物質如單寧酸、腐敗酸對魚最好。
而樓上講出其他易養o既魚，我都冇意見架，但係全部都無可能唔用氣泵或以濾水器溶氧！但最易養o既，都一定係鬥魚。

麗麗魚和鬥魚,或者如果你養得少魚的話也可以

我個缸都冇用到氧氣泵

我係養淡水魚,海水魚呢樣野我都係過一陣係諗先養定唔養

因為海水魚太難養啦～同埋要好大個缸同埋要氧氣泵同埋暖管...好煩架

所以我認為如果你係新手就可以養下淡水魚

海水魚我養左咁耐魚都唔係好敢養

如果係淡水魚就可以養:
孔雀魚
黑摩利
螢光班馬
金清苔

呢d都係唔需要氧氣泵

資料:
孔雀魚:學名 : Poecilia reticulata
原產地 : 中南美洲水域
成魚體長 : 5 ~ 7 cm
類別 : 小型卵胎生鱂魚類 , 淡水熱帶魚的一種
合適飼養溫度 : 25 ~ 28 ℃
合適飼養PH值 : 6.5 - 7.5 (弱鹼性)
壽命 : 1 ~ 2 年
性格 : 溫和 , 可混養

黑摩利:
英文名稱：Molly Fish
原產：北美洲的墨西哥、美國。
成魚體長6-12公分。
適合水温：20-25℃。
水質要求：硬度（gH）：8-10dGH， 酸碱度（pH）：7.0-8.0。

螢光班馬:
斑馬魚性情溫和，活潑好動，幾乎一刻不停的遊動。其對飼水水質要求不苛刻，喜在酸鹼度中性的水中生活，喜新水，適宜水溫 21-26 攝氏度。但斑馬魚既耐寒又耐熱，水溫在 15-40 攝氏度之間仍可生活。

斑馬魚喜在上層水域活動覓食，對餌料不挑剔，各種魚蟲及人工飼料均棵投喂。飼養斑馬魚最好在缸底鋪些較大的卵石，便於沉澱物聚集，不使水渾濁。它不進攻殺害其他魚，適宜混養。斑馬魚色彩美麗，飼養條件粗放，因而是人們最喜歡養的熱帶魚之一。

金清苔:
可配答品種:溫柔魚品種就ok
壽命:2~3年
水溫:25~30
常見病:白點病
醫法:用白點藥,將水溫升到去30可以殺死白點蟲
價錢:間間唔同




2008-06-15 17:57:03 補充：
係孔雀魚

因為個字色問題可能會睇唔到

氣泵用處係於無濾水器或超養時先用~
如果魚缸有濾水器的話,
或者無超養情況,
一般都唔會用到佢~

所以基本上,
可以話咩魚都唔需要氣泵嫁

氣泵係可以代替濾水器既供氧能力,
但係唔可能代替過濾功能,
所以有氣泵只保證無缸氧問題,
但水質係好難有高質素~

易養既魚大把~
金魚仔 (有 $ 5 / 條, $ 5 / 4條 , $ 20 / 1x條)
米奇 (有 $ 10 / 1x 條, $ 20 / 1x 條)
孔雀 (有 $ 20 / 4條 , $ 25 / 6條)
波子魚 ( 有 $20/4條 , $ 20 / 8條)
摩利魚 ( $ 20 / 4條 或以上)

你最好先試養一d較平既魚,
死左都無咁心痛呀嘛~
而養熟手左後,
你可以開始上網睇睇文章,
了解下某d魚點養,
之後再買果d魚黎養下
深入了解左,
咁你養咩魚都比咩都唔知會易好多~

最基本:
養水(除去水喉水既氯氣)
對水(平衡袋內同缸內水既水溫)
換水(每一至兩星期換一次,每次換1/3至1/4)
水溫(針對唔同魚升降水溫,用暖管/水冷機)
ph值(針對唔同魚升降ph,用化學劑/沙,如珊瑚骨)