我同妹妹申請公屋...

你同你妹都夠十八歲咁即幾多歲？一般二人家庭的申請亦有機會獲編配長者住屋的二人單位，但唔同年齡申請人輪侯時間都唔同，只可以答你一般三人家庭由入紙到上樓，正常程序下最快都要年幾兩年才可上樓，而且通常都係配天水圍、東涌等先咁快，如果你係因現在住得太偏遠、交通、工作都不方便而申請公屋，咁可能問題未必得到改善喎，除非你通過入息、資產審查後在輪侯其間於「特快配屋計劃」中選擇到你心儀區分的凶屋或因某些問題而長時間空置公屋，咁就有可能短期內入住到市區公屋喇，否則如兩個只剛滿十八歲正常程序可能等3、5、7年先配到理想公屋都唔定，不過怕你兩姊妹入住「特快配屋計劃」的公屋後有得震無得訓噃！



房屋署

這要看你選擇什麼區。如果你選新界區，仲接受元朗、天水圍的話，一般２～３年可以上樓；但如果你是打算申請擴展市區(包括東涌、沙田、馬鞍山、將軍澳、荃灣、葵涌及青衣)的話，一定要３年左右。
樓上說的特快計劃，閣下要三思。因為那些曾發生不愉快事件單位，不是有命案，便是有高利貸追數；而且上樓後３年內不能申請調遷及綠表資格（申請居屋用的）。