✔ 最佳答案
很同意上面兩位的講法。
畫畫叻唔等於design 叻 !!
以前在班裡面都會見到有很多同類的例子, 或者有些畫畫唔得的但design就好得。當然也有兩樣都做得好好的!
我自己都是讀過 design 的, 我都是因為鍾意畫畫所以先讀, 但我自己在 design 方面就不是太強, 所以修讀插畫。而家間中接 d freelance 做。但香港插畫的行頭好窄, 多數都係freelance , 但freelance 唔係成日都有job做。
如果你是讀黎打算轉行的話就不是太建議, 因為做 design 都唔係想像中咁好, 一定唔會準時收工, 每次d job 通常都好趕的真係唔洗瞓, 而且剛入行的起薪點一般都好低。
另外一方面要考慮的是, 你想讀一d都唔難, 有錢比學費的話一定有學校收, 工聯會同大一個d私校通常都唔會睇學歷收生。問題是以中三的學歷,將來出黎找工作的時候, 公司對你的學歷就會有要求, 一般最少都要中五畢業, 在這方面你會唔夠其他人爭, 除非你 d design 真係好top好top!
所以現階段, 先要專心讀完中五先, 或同等的學歷, 無論你將來打算讀唔讀design都好, 這是現實社會的基本需求。我有個朋友就是學歷唔夠, 所以升職永遠都無佢份, 你做左幾年野應該都見唔少。
如果真係想試下 design 係唔係適合自己的話, 可以報工聯會d班試下先, 因為學費平, 而且係 part time course, 如果學完之後覺得真係ok的話, 先再找間好d的學校讀, 向這個目標前進。
提一提你, 讀design需要買的工具畫具都幾多, 而且每份功課都要落本做的, 所以要儲定多d錢!! 另外由於而家很多都要用電腦做的, 要準備筆錢買部電腦。
好似講到好負面咁, 唔好介意!!