我隻倉鼠成日都肯唔行...

鼠鼠養左幾耐呢?

鼠鼠唔玩轉轉,要留意以下事情:
1)轉輪會唔會唔安全有隙既呢?地板轉輪都係,如果有隙就好易整親鼠鼠,鼠鼠都會因為咁而唔去玩,係呢個情況就必須拆左個轉,盡快買返個安全既
2)用既墊材會唔會係粒狀?粒狀墊材會令鼠鼠唔舒服,因而少了活動
3)鼠鼠較涼同熱都會少左活動,加上鼠鼠夜晚活動,有時玩左未必覺眼
4)可以在你訓之前放d食物,木糠之類去轉輪同籠既四周,起身就可以觀察一下有冇郁動過,最少知道半夜鼠鼠會唔會都係唔郁
5)可以試下用望遠鏡觀察,睇下鼠鼠會唔會係你行近佢先咁靜
6)仔細檢查鼠鼠身體及排泄物,一有異常盡快處理,怕佢唔舒服先唔多郁
7)如果係新買鼠or有野令鼠鼠受驚,鼠鼠都會較少活動,呢個情況就要俾鼠鼠靜下,除檢查外,就唔好攪佢住,唔好嚇親鼠鼠

鼠鼠正常返之後先再同鼠鼠建立關係,可用以下方法:(耐左都同鼠鼠唔熟,都可以俾鼠鼠靜兩日再試下做)
a)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
b)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
c)再熟d再試下俾野佢食既摸下佢頭or身
d)佢都唔抗拒之後,可將食物放在手心,等佢行上唻食,慢慢佢會習慣左你既手
e)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱,抱之前記得先輕聲叫下鼠鼠先

2008-06-15 02:12:31 補充：
之前諗唔起有呢隻轉輪,球體既玩具同轉輪都係危險玩具,因為通風做得比較差,而且鼠鼠被困入面,好有壓迫力,想像下你被困一個咁既物品入面,行極都出唔到去有咩感覺?所以呢款玩具唔係幾適合鼠鼠玩既,建議盡快更換轉輪

有第隻鼠同佢一齊,又打過,仲只係養左7日,鼠鼠會感到壓力or受驚,因為咁唔多郁都唔奇
鼠鼠係獨居動物,唔慣同第隻鼠一齊住既,一齊住易受驚受壓同打交,壓力仲易誘發甩毛肚瀉等疾病,雖然你既鼠鼠冇打傷,但都要檢查清楚身體及排泄物有冇異常
鼠鼠平日都會叫,但音頻唔同所以人就聽唔到,到叫到聽到既時候,多數都係唔舒服or受驚,所以只係叫都唔可以忽視

2008-06-15 02:12:40 補充：
建議你將佢地分籠,建議分籠既詳細原因可參考以下我回答既知識:
http://hk.knowledge.yahoo.com/question/?qid=7008041101555

分籠同換轉輪之後,再慢慢同鼠鼠建立關係,鼠鼠冇唔舒服又冇驚既話,應該就會出唻玩了,都係唔郁就要小心係咪唔舒服