如何選擇 數碼相機?

首先買過千萬像素係沒有必要的.一來好小機會晒咁大張相(晒4R的話3百萬像素已經有多).二來依家啲輕便DC感光完件太細,已經頂唔順塞咁多像素入去,像素太多只會令雜訊增多,相唔係靚咗反而仲差咗,就算夠像素放大相效果都起渣,唔靚.廠商不停增加像素只因大部份消費者依然相信像素等於質數,以像素多小判斷部機影相靚唔靚.
高感光度又係可以講幾乎係冇用既,冇錯低光時用高感光度可以增加快門速度避免手震或者涷結動作,但副作用係附送大量雜訊或者過量的雜訊消除變到好似油畫咁.叫做影到,但你唔會想珍藏佢.
解像度就即係像素,雖然實際上唔係咁理解,但輕便機規格來講就係咁,即係張相可影到幾多乘幾多.
ISO感光值就即係之前講既感光度啦.我覺得iso 800乜都夠,最大解像度就即係之前講既幾多乘幾多,同像素有關.我覺得小反而好.
光圈值係越細越好,例如f2.8係大光圈過f3.3的.代表可以入多啲光,不過留意大部份DC都唔係恆定光圈設計,zoom遠咗通常可用光圈就會變細,有啲細得太誇張就最好唔好買.
質素調較部部機都有,高質素相靚啲,但係佔記憶體多啲,低啲就相反.
感光完件排列通常係Fujiflim先會唔同,對插值加大解像度有利,同埋據說可以增加曝光寛容度,其他都係一樣四四方方咁排.
數碼變焦係冇用既,可以不理,只係靠軟件放大畫面,質素非常粗糙.光學變焦就係最遠焦距除以最廣角焦距.用幾多倍表示,通常越大就表示可以越zoom得遠.但幾多倍咁講其實表示唔到實際焦距係點的,最好睇翻幾多mm至幾多mm個數值.
快門速度就係最快可以幾快同埋最慢可以幾慢,在全自動機來講,最快係冇乜意思,因為相機通常都會控制到唔用咁快.1/2000秒乜都夠.至於慢就要小心啲,有啲機最慢得一秒,用腳架影夜景會有機會唔夠慢而被迫使用較高iso.
講翻光學變焦,我覺得廣角方面最好有28mm,遠攝就視乎你需要,但未必越長越好,一來部機會變得笨重,二來鏡頭好難做得好,而且冇高感光度配合,低光時會zoom到但影唔到,買來追星多數唔掂.
另外最好有光學防震啦,不過電子防震就唔好買.
仲有微距能力啦,最近對焦距離越近越好.

多謝你的回應, 不過未能簡而清楚解答問題, sorry啦.