有關地理 econ問題

地理：

- 溫習時要明白各課題的重點，熟記keywords

- 先草擬答案大綱，並注意答案應能充分的傳情達意，必要時可用圖作輔助解釋

- 地圖題需要清醒的頭腦，應留意地圖上的細節


唔知你用中文定英文讀，唯有就咁答住先~~

要令自己溫書時事半功倍，你最好：

1. 上堂留心

呢個好基本，你上堂乖乖o地留心聽書日後唔溫都可能識寫番少少出o黎。地理呢科最緊要明，明o左就可以用自己文字解釋啦，所以上堂要惠心，有唔明就即刻問啦！

2. 整份自己的notes

地理呢科我覺得要有份好notes先可以考得好，除了你老師俾的notes外，你要多留意新聞，睇下SCMP (South China Morning Post)，有好多講global warming、tsunami、tornado、earthquakes等的報道，有時都有point可以加入自己notes，又有最新的example啦~~~`另外，可以睇下地理的課外讀物，中英文都得，加深印象之餘又可以當娛樂。

點整自己的一份notes呢？用你最喜歡的方式囉！你畫圖叻的話，你可以成份notes都係圖，用幾隻字補充o架，你覺得夠又自己明未得囉！我呢就只mark 低重點，用圖表、mind map等去整notes，用箭咀指來指去，份notes旁人睇未必明，仲好混亂添，但我自己睇得明呀，咁就得啦！用自己方式自然又易記又易溫。

其實在你整自己份notes之時你都在對資料作出組織，寫低時又在記下d points，咁就好似溫書咁，印象都深刻d，遲d再溫番，一望見自己份notes就可以勾起你回憶，所有o野湧番出o黎~~

3. 培養你對該科的興趣

呢點唔只局限於地理，任何科目都係，一旦你話唔鍾意佢，你死溫爛溫都未必考得好，只要對那科有興趣，你自然就會自發溫書，連平時睇報紙見到有global warming呀，你都在意d，好想睇下又有咩新進展，鍾意一科你就自然有心讀好佢，因為你唔會有個抗拒心。

大概咁多啦，而家講下答題技巧。

1. 小心審題

2. 答題要清淅，最好做到一段一個point，咪好似作文咁把重點放到好尾，應該一矢中的，講清楚先慢慢解釋加例子等

3. long questions 一定要有良好組織，有好的開頭結尾，評分員對你份卷的印象都好d

4. 答長題目一定要有例子

5. 可以畫圖幫助解說

6. 寫得一手又快又靚的字，恐怕要多練多寫，得閒練下字，計時睇下寫到幾多；字靚就改卷那位易睇d，你答得快但係寫到鬼畫符咁人o地睇多一眼都嫌多，仲邊有心機睇你寫得好冇？





至於econ方面
只有limited company先可以控告
因為佢係法律上屬於獨立既法人(legal entity)
而其他類別就5係..5可以進行訴訟

希望幫到你啦！

我自己本身都有讀geog&econ

讀地理呢科,除左要溫熟書本既知識之外,,要留意多d時事問題
好多時ce/al考既野會出時事題,,所以 一定要知道本地,內地既消息&新聞
留意下一d報章講過既事情,,例如 點樣發展,會興建d乜野,會造成d咩形響等等,,,呢d係需知!!
地理要學既內容有好多,,,當你望見一個地方,,基本上所有既內容都可以去描述&分析,,
你試下多做d past paper,,你會留意條題目問既方向同等別之處
多做就會熟悉~~所以唔洗擔心唔識答~~最起碼都會知道點樣拎分!!


其實獨資,合夥同有限公司都可以控告
只不過控告既形式&賠償係有分別

獨資經營公司只需一個人就可以開,而且開一間獨資公司既手續比較簡單,老闆同下屬既關係會比較close,決策時間亦會比較快,因為得一個股東,但係資金來源會比較少,公司既延續性會較低,因為得一個人管理,佢死左間公司就唔可以做落去,而股東亦係要負擔無限債務,當間公司破產之後,股東需要變賣自己既家產去抵債


合夥公司分為兩種,而兩種既股東人數都係規定要2~20個人之內。其中第一種係普通合夥公司,特色只係入面所有股東都係要承擔無限債務。而第二種係有限合夥公司,入面最少要有一個普通合夥人,佢係要承擔無限債務,但公司入面一定會有一個或以上有限合夥人,佢係可以享有有限債務既特權,姐係公司倒閉,佢地最多只係蝕左投資左既錢,私人財產係不受影響,但佢唔可以參與公司既行政,只係有份投資。呢兩種合夥公司都會有比較多既資金來源,開辦一間合夥公司既手續都唔會太複雜,但合夥公司係法律上唔係一個法人,而決策時間會比獨資公司慢,因為要所有合夥人同意,合夥公司既股權要轉讓既話,就要得到所有合夥人同意先可以轉讓比人,合夥公司人數規定唔可以超過20人,所以股東同股東或者下屬之間既關係都會比較 close,不過合夥人一拆夥,合夥公司就唔可以繼續經營。




股份有限公司亦分為兩種,第一種係私人有限公司,佢既特點係股東人數要係1~50個人之內,可以發行股票,但係唔可以放係聯交所買賣,而股份轉讓亦都要得到所有股東同意先可以轉讓。當一間私人有限公司擴展佢既業務,規模愈做愈大,就可以申請轉成一間公眾有限公司),可以申請上市成為上市公司,上左市之後,公司所發行既股票就可以係聯交所自由買賣,姐係股權可以隨時轉讓,唔洗經所有股東同意,股東沒有人數上限,1個或以上就可以,公司所得既資金來源亦會大大提高,但只有佢就要承受公司隨時都會比人收購既風險,而且只有公眾有限公司係要對外公開佢既財政報告(例如係報紙刊登), 其他種類既公司都係唔洗公開的。

呢兩種公司入面所有股東都可以享有有限債務,而公司亦係一個法人,股份有限公司既延性一般都比較高,但公司決策都好煩複,因為公司規模龐大,要開會,投票等等,決策時間相對會比較耐,股份有限公司要交既稅率會比獨資公司同合夥公司高。