邊個 blog 或者網上日記最好用？30分~ 幫幫忙

我自己用開Yahoo!Mail，亦一直用開Yahoo!Blog。

理由：
1. 唔識用html工具，用Windows Live Space同Yahoo!Blog呢類比較罐頭式既blog網站係最好不過既方法，因為你只係想用個方便既工具嚟寫野，而唔係嚟玩花臣野。

2. 用Xanga唔係唔得，個人認為太多小朋友中學生用，基本上10個著咗9.5個係睇都我眼都花，係咁既環境下，你係無乜心機去走訪其他人既blog......相反，係Yahoo!Blog裏面有好大部份係Canon Blog既用戶，所以佢地既blog既裝飾同埋裏面既攝影作品會係你空閒時間既消遣好去處。

3. Yahoo!Blog基本上唔要你裝乜特別既軟件。Flash Player Plug-in同Shockwave Player Plug-in你係裝IE或Firefox之後都會跟手裝咗，所以完全唔需要再裝啲乜。

4. 背景音樂方面，Yahoo!Blog可以embed到imeem.com既音樂，至於imeem.com既戶口係完全免費既 ，啲音樂仲可以設定播放清單，同係咪自動播放，一啲都唔難用。當然，相片一樣可以方便地上載及進行一定程度既修整。YouTube，同埋好多online video stream都可以上載。

5. 分組方面問題，Yahoo!Blog可以俾你為自己所有個別既文章自由分類，又可以為個別文章加入任何文字標籤，方便自己日後翻閱及讀者進行搜尋。另外，你可以自由為所有個別文章既閱讀權進行設定，以供所有讀者、家人清單成員、好友清單成員、家人清單及好友清單成員、甚至只供自己閱讀，而且所有設定均可於任何時間更改，咁樣，你就可以隨心所欲控制自己blog既內容既共開性。

6. 仲有一個我仲意既功能，就係可以設定個別日誌既出版日期同時間，你可以寫好晒10篇日誌，然後設定每篇分別係嚟緊既某日某時準時出街，即使你係呢段離開咗香港，人地都以為仲係香港努力咁筆耕緊。

7. 你可係Yahoo!Blog裏面知道最近邊20個Yahoo!Blog友走訪過你個Blog，好友清單、黑名單一應俱全。回應方面有公開回應同私人回應可供選擇，回應後更有電郵通知服務可供選擇。

8. 當然仲有好多好用既功能啦，無法係度完全列晒出嚟，好果唔好用，我都唔會用咗2年咁耐。

簡潔、易用，我用咗2年，你都不妨試下！希望幫都你啦。

試下裡個！操作簡單.......
http://my.exwolf.com

xanga多人用.但我唔鐘意...

http://www.qooza.hk/

我鐘意依個...ok穩定. 而且入面有論壇.有主題比你.你自己唔洗整都有好多靚既你可以揀黎用. 相薄個d都當然有啦

2008-06-16 19:06:53 補充：
yahoo總係覺得太格式化-.- 搞黎搞去都差唔多樣咁.
依個可以變得多d