救命!鼠鼠咬我!

唔知你既鼠鼠養左幾耐呢?鼠鼠沖涼時較易會咬人,定係平日都會咬?
鼠鼠沖涼時,我自己係會帶鼠鼠去第一個地方沖,鼠鼠就會好易因環境變化而有點緊張,沖好多好次都會有少少呢D反應,而沖涼時有沖涼粉整落鼠鼠身上,咁就令鼠鼠更緊張了

A.鼠鼠咬人多數因為驚,鼠鼠保護自己只係得牙同爪,所以驚起上唻就會用牙同爪去對抗外來者. 鼠鼠咁細隻,其實驚人我覺得好正常,好似如果有隻動物大你咁多倍,一手就拎起晒你整個身體,我諗都會幾驚.所以建議你先同鼠鼠建立關係,咁鼠鼠都冇咁易會咬你

初養鼠頭兩日時應該唔好掂鼠鼠,養耐左就可以俾鼠鼠靜返兩日,之後再用以下方法同鼠鼠熟:
a)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
b)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
c)再熟d再試下俾野佢食既摸下佢頭or身
d)佢都唔抗拒之後,可將食物放在手心,等佢行上唻食,慢慢佢會習慣左你既手
e)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱.抱之前記得先輕聲叫下鼠鼠先

B.而你同鼠鼠熟之前,同鼠鼠沖涼,可試下以下既方法:
1)用龜缸之類既野幫鼠鼠沖涼,將少少食物放入龜缸,將缸口對住鼠籠既門口
2)叫鼠鼠既名,都可用裝食物既袋發出聲音引起鼠鼠注意,等鼠鼠自己行入去
3)唔敢掂鼠鼠既時候,可整沖涼粉落鼠鼠身上,等鼠鼠自行整走D沖涼粉,因為不經接觸,所以要放多D,等鼠鼠底部都沖到,但要小心唔好倒左D粉鼠鼠既眼耳口鼻
4)沖完涼再將缸口對住籠既門,鼠鼠就會自己行返入去
5)另外,如果鼠鼠係驚既話,在許可既情況下,唔用手套去捉鼠鼠較好,唔係就易令鼠鼠受驚,受驚有機會誘發甩毛肚瀉等疾病;但如果係需要檢查身體之類,怕被咬則可用手套抱鼠

C.而如果平日鼠鼠都成日咬人既,可留意鼠鼠咬人既原因,睇返係咩問題,再作處理:
1.鼠鼠受驚就好易會咬人,所以要避免一切令鼠鼠受驚既可能,而鼠鼠受驚時,就唔好勉強鼠鼠去玩

2.鼠鼠唔舒服既時候,可能你輕輕一抱就令佢感到唔舒服,又或精神上都會特別敏感,因為自己弱左就更要保護自己.
仔細檢查鼠鼠既身體有冇異常,檢查下鼠鼠既排泄物,同埋個籠會唔會有野整親鼠鼠

3.有第隻鼠一齊住既話,都會易咬人.兩隻或以上既鼠一齊住既話,其實好易會打交, 打交係因為倉鼠本身就係獨居動物,根本唔適合同其他鼠一齊住既. 佢地既地盆意識好強,到發情既時候先會一齊,我睇書講過,外國既倉鼠繁殖場,都係一隻籠一隻鼠,再到交配既時候先放埋一齊一段好短既時間. 成日都keep住要抵抗敵人既情緒,即係較神經質,咁就好易動不動都想咬人

4.太餓,唔夠野食就會亂咁咬,搵野食,可以一次放多D食物落去,等鼠鼠有較多既安全感,但留意食物唔會變壞先可以

5.你手有食物既氣味,鼠鼠有機會會誤以為係食物而咬落去

6.牙痕
倉鼠屬於齧齒目動物,牙齒入面既齒髓腔唔識得去閂埋,所以牙齒會不斷生長既,如果唔磨牙,就會令牙齒過長,太長會令鼠鼠食唔到野,合唔埋口,甚至插穿鼠鼠既口,咁係會死既,所以鼠鼠係好鍾意咬野.
所以如果鼠鼠既牙長到合唔埋口or食少左野,就一定要搵醫生同鼠鼠剪牙,唔係就好易死架啦
專整俾鼠鼠咬既磨牙石or木係針對鼠鼠磨牙問題而設,所以我覺得係比較好既.都可以買鹽璣OR較硬既食物棒(一支木,外面有食物包住)俾鼠鼠咬

7.懷孕既鼠都會特別精神緊張,從而成日咬人

最後一提,被鼠鼠咬到,雖然冇咩危險,但傷口一定要處理既,所以記得消毒同貼膠布呀

先帶勞工手套.再帶膠手套防水咪得囉

首先要剪指甲，去避免割傷他。以及不要刺激他們

儘量唔好令倉鼠驚~

詳細資料
http://zizi-land.info/viewthread.php?tid=738&extra=page%3D1

看書有寫(那些教人養鼠鼠)