我隻貓有時跑完後，都會擘大口呼吸，會不會有問題？

你貓貓跑步後會擘大口？咁貓貓ｇｅ呼吸聲有冇【嚧、嚧】聲，即好似扯氣咁，上氣不接下氣咁！以前有冇試過？

因為正常嚟講，跑完一輪ｇｅ貓貓係唔會擘大口散氣ｗｏ，佢地只有係熱嗰陣時先會咁，而且亦都係在熱天平臥休息時才這樣散熱的。平時小跑一圈都唔會係咁，就算去到貓貓受驚下要極速狂奔；都唔會有ｅ種情形出現！況且貓貓的運動神經點會咁差哩！我諗都係要搵醫生睇清楚好Ｄ，因為通常貓貓患有【心臟病】是很難察覺，往往要到【心臟衰竭】的時候開始流露不適的狀態時，才被我們做貓主發覺的。

就係因為咁，所以我會見意你帶貓貓去做一次Body Chec穩陣Ｄ。
响依處好難答到你ｇｅ問題，因為心臟病係貓貓內科嚟，單憑一二疑點，點敢判斷係唔係【心臟病】！？

2008-06-15 10:12:12 補充：
bcheung君所提到的〔貓哮喘〕雖然患上此病的貓並不多，但亦不排除有此可能性，因為這個病卻可以影響貓的一生，並且很難完全治癒。所以一定要經有診斷經驗獸醫的確診才可判斷的。
由於〔貓哮喘〕的病徵和〔肺炎〕，〔貓心絲蟲〕及〔心臟衰竭〕的病徵相似，所以要診斷一隻貓是否患有哮喘或是心臟病，要做很多不同的檢驗才可以確定。其中必須包括：
chest x-rays 胸腔X光
a complete blood count 驗血
a feline heartworm test 貓心絲蟲檢驗等

個人經驗分享...
我隻英短仔都有同樣情況, 宜家6個月大, 1個月大開始養, 佢都會跑完一輪, 就張大口伸晒脷抖氣. 腳掌發熱, 有少少汗濕. 所以由2個月大去見醫生打針開始, 我次次都問醫生佢咁既情況係咪有事, 醫生次次都係答我: 佢好健康, 要CHECK係咪哮喘或者其他病, 就要等佢大定先知. 佢到宜家都係好健康, 日日都自動狂奔2-3次做運動. 佢食得瞓得玩得就OK啦! 為求安心, 帶你隻貓貓俾醫生CHECK下啦!

我建議你帶貓貓去看醫生，比較好！ 因為貓一般很少這樣呼吸的！
按你的描述，除了心臟有問題，也可能是呼吸系統有問題，如哮喘的問題，都會在運動後有很大的呼吸聲音。
不論是心臟或是呼吸系統問題，都是不能輕易判斷，在治療之前，最好先檢查清楚問題在那裡，才按部醫治。

我隻貓仔他玩得很勵害的時候就有你所寫的情形,而且每一隻貓貓體能也不一樣,有D平時主人好少同佢玩咁玩一陣就會扯哂氣兼唔想郁.而我隻貓日日都有玩開佢就要玩成個鐘先扯氣,我這個貓奴都冇佢咁夠氣.但係如果你隻貓貓普通行吓冇端端也擘大口呼吸就一定要睇医生啦!希望幫到你啦!

是屬正常的,你跑完都會張開口呼吸,索氣ma