副局長放棄外國 passbook, 保留局長份工! 可唔可以用 [跪地餵猪乸]來形容佢呀 ?

Hi ，又係我呀！
副局長放棄外國國藉或居留權而保留副局長呢份工，用「跪地餵豬乸」形容通唔通？
梗係通啦！簡直就到痺呀！
「跪地餵豬」好生動咁形容主人雖然唔願意，但係為要隻豬食，好繼續養大或者同佢生更多的豬仔，寧願跪低配合豬高度方便親手餵食物。
背後意思係利益面前人可以放低一切尊嚴同埋所謂原則。
而家我副局長正正就係做緊同一件事，佢當然唔想放棄外國護照( 即係跪地 )，但係為高薪加厚職( 即係豬 )，焗住要放棄外國國藉換取保持副局長一職( 即係跪地餵豬 )。
另外樓上網友唔好介意，我唔係批評你，千祈唔好誤會！不過我覺得「阿茂整餅」好似唔係幾適合，對阿茂整餅你解釋相當貼切。問題係呢班副局長當初申請外國居留權陣時無諗過會有今日，所以並唔係佢刻意制造呢個難題( 餅 )畀自己！
個人意見！
圖片參考：http://tw.yimg.com/i/tw/ugc/rte/smiley_35.gif

好似唔係好通喎!
係passport喎, 唔係passbook呢!
我覺得可以用【亞茂整餅】嚟形容佢地!
有人當初搞好多嘢就係為咗多個外國國藉方便遠走高飛,
事到如今又嫌個外國國藉係負擔, 阻住佢個地球轉, 阻住佢地盡忠效力祖國,
咁仲唔係亞茂整餅(冇嗰樣整嗰樣)係乜呢?!
呢d咪係敷淺囉!
等於有一排d人流行去【洗底】一樣,
你又會唔會放棄你個加拿大藉吖? 【亞茂整餅】乎?

問題: 何謂 (跪地餵豬乸) 呀....!! 唔係好明白~請解說。
因為我想先知道個問題點解, 才能解答你的問題。(完)謝謝!!