✔ 最佳答案
A.鼠b到今日6月11日,只有11日大,雖然開始食鼠糧,但仍然需要飲鼠媽媽既奶,去到鼠b21日大,就要戒奶分籠(就算同一胎同性別or父子母女,都一樣易打交,唔同性別則會亂倫,所以一定要分籠)
乾糧佢地係食得既,但要整細粒d,唔係鼠b都易哽死,如果整到近粉末,則要加少少水落糧度,可能你未整碎d糧,佢地食唔到就放左入口都拎返出唻
鼠b自己會行去食鼠糧,鼠媽都開始唔會幫鼠b清理排泄物,等鼠b慢慢學習點樣生活
B.鼠媽同鼠B一日未分籠,都有食鼠b or唔理鼠b既可能,所以唔好打擾佢地住,就算咬籠,暫時只可以唔理,鼠媽生bb身體係受到好大既傷害,情緒都會不定,就算戒奶分籠之後,都仍然有機會情緒比較差
到戒奶分籠之後,如果都係咬籠既問題,都要小心之後都會有壓力存在,同時記得要有野俾鼠鼠磨牙,冇磨牙都會更易咬籠,教鼠鼠唔好咬籠方法如下:
一.首先要同隻鼠鼠熟既先,唔熟好難教得識
鼠鼠買返唻既初時,頭兩日唔好打擾佢,再試下以下方法:(耐左都同鼠鼠唔熟,都可以試下做)
1)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
2)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
3)再熟d再試下俾野佢食既摸下佢頭or身
4)佢都唔抗拒之後,可將食物放在手心,等佢行上唻食,慢慢佢會習慣左你既手
5)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱
二.我習慣見到鼠鼠咬籠既時候就會叫佢,用d好似鬧佢既語氣叫佢,多數佢會停一停,之後又咬過,咁就再鬧,佢一唔咬既時候,我就俾野佢食,慢慢佢會明白,唔咬就有野食.我試過好多次都會學得識,當然可能係要試好多好多次
C.男鼠唔係年紀大先會睪丸腫咁既,一般鼠鼠去到60日大左右,即係大約買返唻1-2個月度,就會成熟,呢舍時間男鼠既睪丸會開始較大,而天氣熱,都會較外露唻散熱
D.另外,其實鼠鼠最好分籠,繁殖鼠鼠會有好多問題,希望你之後可以考慮唔好再繁殖鼠鼠啦,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶
其他生B後要留意既事,可參考以下我回答既知識:
http://hk.knowledge.yahoo.com/question?qid=7008021001290
