城大副學士

我係今年F.7學生，覺得自己的A Level成績應該幾難入大學degree，所以想報副學士，希望大家俾D意見我。

Q1)CityU o既「應用日語副文學士」讀完之後有冇機會升到本地大學degree？機會大唔大？會唔會就算成績好好，都只係得小部分先有U收？
同埋我見佢個網度，Articulation agreements with universities只有Nagasaki International University, Japan(長崎國際大學)，係咪即係我讀完呢個副學士之後，只可以升去呢間大學，升唔到本地大學？
如果呢個副學士升到本地大學degree，咁我可以揀咩科？

Q2)CityU o既「雙語傳意副文學士 (日語及中文)」同「雙語傳意副文學士 (日語及英語)」個網度都話可以升HKU o既Faculty of Arts，其實有冇人真係試過升到？HKU會收CityU o既AD畢業生嗎？同埋CityU本身一D語文系o既degree又多唔多收返呢兩個AD成績好o既學生？而且呢兩個AD都話可以升上CityU o既International Business (Japan Studies)，其實每年大概有幾多個畢業生升到？

Q3)以上三個副學士提到可以升到Nagasaki International University, Japan(長崎国際大学)同Ritsumeikan Asia Pacific University, Japan(立命館亞洲太平洋大學)，其實係咪真係升到？同埋我完成日本大學o既Programme之後，算唔算係大學畢業生？o係香港有冇認受性？如果申請做政府工又當唔當我係大學畢業？

Q4)其實Nagasaki International University, Japan(長崎國際大學)同Ritsumeikan Asia Pacific University, Japan(立命館亞洲太平洋大學)o既聲譽、學校環境、學習風氣、學生質素又好唔好？同埋升到去主要係讀咩科目？o係o個度讀完書對o係香港或者日本就業有冇幫助？或者要咩科先對o係香港就業有幫助？要咩科先對o係日本就業有幫助？

Q5)其實各大學會唔會多D收返自己搞o既副學士畢業生？點解我識得個PolyU AD學生升o左去CityU degree？反而PolyU冇收到佢。

Q6)咁如果我讀CityU o既AD，又會唔會好難升去PolyU degree？如果我讀PolyU o既AD，又會唔會好難升去CityU degree？

唔好意思，我問o左咁多問題！
可能有D問題我會問得唔好，因為我真係好驚。
如果你只係識答一、兩條問題都可以答，我想聽多D意見。
唔該咁多位！