老公唔滿意我比袋仔佢用？話做人老婆唔合格！好多壓力

只可以講你老公好自私～！

如果我係你無論如何响呢件事上都要企硬．．．
巳經墮左兩次胎．．．唔應該再俾呢件事再一次發生．．．

你可以同佢講～
你完全無顧老婆ｏ既健康．．．
你先係唔合格ｏ既丈夫！
你係佢ｏ既另一半．．．佢應該珍惜～
而唔係去同妓女比～
唔通你又週街搵個男人同佢比！？

最後總結就係．．．
唔合格ｏ既人係佢　唔係你．．．
請企硬！
我明白你地有一仔一女．．．
你唔想破壞呢段關係．．．
但係唔代表呢段關係要由你ｏ既苦忍去維持．．．

2008-06-12 14:22:49 補充：
其實咁樣不如試下番外家一排！！
等佢睇下無左你响屋企幾亂.....~
呢個家唔係無左佢唔得　無左你都一樣唔掂！！
ｄ仔女會搵媽咪～屋企ｄ野無人做～佢唔知佢ｄ野放响邊～”
一齊一齊都係你ｏ既付出～”個家先係一個家！

佢咁重男輕女妳唔好讓佢啦!
呢D唔尊重女人既衰男人好應該做D野激下佢!

自私自利...你們不如離婚呀!!!

其實避孕放法係應該雙方的責任, 唔可以話只有佢喜歡...
墮胎並不是一種避孕方法, 要是你先生真的不用袋, 那請佢去做手術吧.
而且, 佢亦唔懂得尊重你... 用妓女同自己太太比較, 那是否他想有一天, 你用奴男同他作比較呢?
其實, 不要理佢的說話太多. 我身體都是跟你一樣不太好, 我咪都係自己工作揾錢自己用... 我覺得, 只要自己可以養得起自己, 以經係好有用的人... 而且, 你亦要做家務同照顧小朋友哦. 仲有你先生亦是你照顧呢... 所以, 你要企硬呀. 唔好理會佢的說話, 開心一點啦!
因為... 想得太多... 你會不開心呀, 那對身體不好呢!! 小心身體哦...

如果你丈夫對使用避孕套感到抗拒,
可以試下其他避孕方法.
比較方便的代替方法有服食避孕藥.
不過服食避孕藥可能會引起副作用,所以一定要由醫生處方.

如果認為以後不會打算懷孕,可以考慮進行結紮手術.
但一定要你丈夫做而不是你做.

原因有兩個,
第一:基於生理構造的差異,男性的結紮手術遠較女性的易做及方便.
第二:因為是你丈夫不肯使用避孕套,結紮的責任當然就落在你丈夫身上.

題外話,請容許口語.
你個老公真係不知所謂,自己唔用套,唔負責任在先,竟然仲要責難你唔及格.
更令人氣憤係將你同妓女相題並論.根本lee個論點一開始就係錯,而且有極高的誤導成份.
結婚20年,唔係40出頭,至少都30尾.仲要做埋老豆,有一女一仔.點可以仲係咁自私?!為左自己的快樂,竟然要個老婆以身犯險,到出左意外,又唔識汲取教訓,一錯再錯.
你老公唔識保護你,你更加要愛護你自己,需知道墮胎看似簡單,但對身體(尤其子宮)的傷害甚具,嚴重的除了不育外,亦會對子宮做成永久損傷,可能耐唔耐就出血.
而且墮胎唔單係拎走塊肉,仲係扼殺左一個生命.唔好因為墮胎過程看似簡單,就連一條小小的生命都一同看輕埋.
既然會搞出人命,帶唔帶套就已經唔只係及唔及格的問題,更加唔係咩狗屁不通的妓女問題,而係尊重,責任,更加係對你,對子女,對整個家庭承擔的問題.

抱歉,對你的老公出言不順,題外話又多過正題.不過睇到lee種不負責任的男人,真係感到被佢丟盡男人的(架).

我支持lokyin_1m1d講法
我覺得你老公係好自私好唔專重你,唔係你唔合格,係你老公唔合格.