想離婚,有無邊間律師樓介紹?

你可以話[是但]搵一間律師行o既, 當然如果嗰間律師行冇做婚姻法o既工作, 佢應該會同你講[我哋冇做,你搵第二間啦]. 不過而家大部份律師行都有人做婚姻法.

係, 你上去同律師話要同自己個先生/太太離婚. 然後律師樓d 人會同你開會, 睇吓你個情況係點. 例如:夫妻雙方係咪都同意離婚, 有冇仔女, 財產分配同唔同意, 定係單方面離婚, 係咪俾人打.... 等等.

通常你去開會講你個情況時, 都要帶錢上去開account. 因為一般律師樓係你俾低d 錢佢先會同你做嘢.金額視乎每間律師樓而定.

如果雙方冇咩爭辯, 可以唔洗上法庭, 大家協議咗簽好文件, 律師會同你去法庭度攞命令. 但係如果只得一樣嘢雙方唔同意, 都係要進行一d 程序, 如果真係和解唔到, 就要上法庭. (咁係咪你所講o既政府部門?)

價錢亦視乎你個案件有幾複雜有幾多嘢爭辯, 一般所有嘢都同意就幾千蚊都得. 如果你有百萬家財全界都有你d 錢而你先生/太太同你爭到底咁上十萬都有.

另外, 如果你資產淨值唔過4-5萬, 可以考慮申請法援. 不過係淨值, 唔計負資產/欠債. 即係話如果你有層樓,供緊都好, 都會過個資產上限, 申請唔到法援.