怎样戎尿片,多謝!!

我個仔而家2歲多d，戒緊片喇，而且成功左一大半
試過出街都唔用片片添喇

呢個方法係佢學校教既
開頭果幾日，因為自己同bb都會未習慣唔用片
所以就要用輕鬆穿幫助去習慣一下佢去廁所既時間同習慣
因為輕鬆穿多數都靚過片片，所以都一樣可以同佢講
叫佢唔好整濕片片，要殊殊同吳吳時要話比媽咪知

跟住每次飲完水同食完野都要問下佢要唔要去廁所呀?
半個鐘同佢去一次，等佢習慣坐下
如果係男仔就企係到試下，因為免得之後佢習慣左坐又要學企係到小便，他會混淆的

開頭幾日通常都會瀨的，當瀨左既時候就同佢講褲褲濕左喇
要換過第二條喇，下次要殊殊同吳吳記住話比媽咪知喇
千其唔好鬧佢，如果佢可以去到呢就好誇張咁讚佢
比小小獎勵佢，一塊餅都ok，總知比佢知道咁樣係乖乖既
又比佢睇下條褲仔冇濕到，同比佢睇下(如果係痰罐)
然後同佢一齊倒左佢，同佢一齊同d便便/尿尿講拜拜

過左半個月到(一定要每日都做)，佢會開始習慣
不過又係一玩開佢就唔記得左要小便
就算你問佢佢都唔答你，或者求其答你
如果你認真咁對代佢呢d答案就一定瀨
所以冇論佢答咩都好，都係睇番佢小便/大便既習慣
如果佢玩緊既，就一定要佢去完成功先再玩過

出街既話，開頭就一定要用輕鬆穿
之後如果係出去短時間或者食下飯都可以試下唔著
不過就要密d同佢去廁所，同埋記住要帶多d褲同衫出街
(唔好以為淨係帶褲，因為尤其男仔，一瀨連衫都會濕埋)

如果小朋友係女仔，係佢差唔多可以掌握到既時候
可以教埋佢要抹抹，比定張紙巾佢一去完就抹
唔使理佢抹得乾唔乾淨，因為反正可能下一次都瀨
只要佢意識到去完要做呢個動作就得喇

至於男仔，最後都係由一開始就教佢企係到小便

小便之後就自己著番條褲仔 可以既話就幫一幫佢抽褲仔既後面
(因為多數都淨係著到前面)

大約都係咁上下喇，比d耐性同恆心
祝你個小朋友可以戒片成功~加油!!!

Thank you very much!!

根據BB雜誌育兒專家講, 小朋友約三歲先可以控制得好啲,
最好有兩歲先戒屋企玩時用的尿片, 但睡覺同去街就要用番, 唔係就好易領嘢.
好似樓上的提議, 買啲靚底褲仔, 成日同佢講大個仔唔駛用片片. 我地兩公婆會以身作則係屋企反個褲頭比佢睇, 等佢知道我地都冇片片, 要大小便就要話比我地知同佢去厠所. 開頭約30分鐘問佢一次, 但每小時都要同佢入一次厠所.
下一步出街戒片, 再下一步日間睡覺戒片, 最後就晚上睡覺戒片.

過程中失手的時候要語氣堅定同佢講你唔開心. 請佢下次要通知要大小便, 但唔好勁黑面或太大聲, 啲小朋友有挫折感就會拖慢進度.

可以買D佢喜歡的卡通人物底褲比佢著,叫他不要弄濕,定時帶佢去小便,兩個鐘或三個鐘左右,如果佢瀨尿就由佢,耐心教佢下次去小便時要出聲講去小便,自己都留意佢瀨尿的時間,或者飲完嘢大約咩時間去小便等,叫他試試去,去到讚佢等等,好快就可以成功,不過出街就最好著住輕鬆穿尿褲先,比較方便,或者帶定保鮮袋給BB去小便