想在買賣合約加名～～急急急急

1.我現在可否在正式合約處加多一個人名(我的男友)？

答：可以，不過因為你兩個未正式結婚加多個名會被稅局視為另一個買賣，稅局就要你交多一次印花稅，而且要另簽一份ASP咁律師行都會額外收多一份律師費。


2.若真的加我男友的名，以他的情況，會否影響層樓的按揭？若會，
有咩方法可以將他的影響減到最低？

答：銀行及財務公司會提供資料比一此信貸評級資料公司，以你男友的情況應該已被blacklist，其實六、七萬唔算大數目，你男友為幾萬蚊壞帳搞到現在咁麻煩又何苦呢！不如趁今次就主動找銀行傾傾點還個幾萬，順便叫銀行找信貸評級資料公司熄燈(即delete左D壞帳資料添)咁就可以唔影響按揭；而且你男友日後信貸評級可以回復正常添，不過成交前可能趕唔到完成手續，但可以成交後先更正資料及加名反正你都要比多次律師費同印花稅，咁就最可以把影響減到最低喇。


3.因已向銀行交齊資料搞緊按揭，如現在要加名的話，我是否需要再向銀行重新遞交過D文件？

答：就算原本按揭貸款銀行已批，但可能會因物業業權變更而告失效需要重新申請，至於銀行會否批准，因間間銀行有不同的審批準則，建議你在加名前先直接向按揭銀行查詢，若未能獲得批准，你只好預備向其他銀行申請，若成交前最後兩星期都未有銀行批會就最好放棄加名以免影響成交。



3.如要加名，我需要點做、有甚麼手續要搞及費用是多少？

答：同律師講樓契加名，咁律師行會安排另簽一份ASP(即正式買賣合約)加上你男友名字之後等成交日即7月9日比錢簽契；費用係比多次律師費同印花稅，你剛剛比完錢無耐應該好清楚條數，唔洗計數機都知比幾錢啦:P


4.若不能加名，側有甚麼方法可說服他的媽媽？

答：以下選擇純粹個人意見，如你決定使用後果請自行負責！G,G

選擇A-既然你男友媽咪有出錢，咁如果加佢老人家個名可行嗎？

選擇B-同老人家講因成交期迫近，現在加名手續比較麻煩，對佢誠諾成交再補加你男友名，拖得一時得一時拖住先:P

選擇C-其實最好老老實實同老人家講清楚，如用你男友名做業主按揭會有困難，一家人嘛！瞞得一時啫~瞞得一世嗎？不如面對現實吧！而且當趁機比個教訓你男友以後咭數要小心運用，唔好一時洗大搞到麻煩更大！

1.我現在可否在正式合約處加多一個人名(我的男友)？
- 可以加, 但要另收費, 但可能要成交後先得, 以你的成交時間應該可以改到.

2.若真的加我男友的名，以他的情況，會否影響層樓的按揭？若會，有咩方法可以將他的影響減到最低？
- 如果你用你的名來借錢就沒有問題, 如果你在銀行供錢加多個名就一定有影響, 如果你男友不還清那條數, 絕對影響按揭

3.因已向銀行交齊資料搞緊按揭，如現在要加名的話，我是否需要再向銀行重新遞交過D文件？
你只是樓契加名, 不會影響借錢.

3.如要加名，我需要點做、有甚麼手續要搞及費用是多少？
和律師講咪可以, 付多幾千元,

4.若不能加名，側有甚麼方法可說服他的媽媽？
你的家事, 好難講, 註冊結婚