去布吉跟團定自遊行好?

其實自由行和跟團計落數參不多, 埋單唔會相差太多. 跟團要一早起床等齊人出發和比小費. 去布吉就算跟團通常都要自費玩各式水上戶外活動, 收費亦不便宜, 可以在當地問問酒店亦可以在酒店BOOK local團. 曾經試過跟團去布旅遊, 當地下午的時間水流不適宜出海, 所以每天都要下午2時前回到酒店休息, 如想繼續出街便要自行 call 車 ,因時間所限制的自費活動有如到此一遊的感覺 .

泰國旅遊業巳經發展了很久, 當地好多人識講廣東話, 所以都好安全的. 通常都是陽光海灘活動: 去 pp 島有各樣水上活動參加如: 香蕉船,
海底慢步, 潛水. 鳥旦島玩浮潛. 並有激流, 都係好好玩的.

跟團建議康泰都唔錯的選擇

其實自由行去布吉島及跟團既錢相差不太大, 況且跟團要俾導費, 而且有冇得select酒店, 如你跟d平價團,可能要住 d cheap cheap酒店, 地點唔好, 出入又唔方便, 仲要每朝7∕8 點 morning call. (8月是暑假, 團費、機票及酒店都會貴d)
自由行去布吉是很方便及安全, 絶對無問題,但最重要就是選擇酒店.布吉島有很多海灘,而每個海灘附近都有很多酒店.全布吉最熱鬧的地方就是芭東區(像芭堤雅),但區內的酒店只是一般而且價錢並不便宜.而大多數5星級的酒店都不是坐落於芭東區,例如: JW Marriott 在 Mai Khao Beach; Banyan Tree, Sheraton, Laguna 在 Bang Tao Bay; Hilton 在 Karon, 而距離芭東區最近便是Karon區,由Patong去Karon搭tuk-tuk最平亦要200bath,而去 Bang Tao Bay則要450bath,單是搭車既錢已足夠食飯,所以選擇酒店是非常重要. 况且布吉晚上是冇巴士的,而日間只有一、兩條巴士線, 但都不經遊客區, 如要去其它地區就要搭tuk-tuk.(搭tuk-tuk要先講價)
布吉島有很多小島,我建議你去鳥旦島,雖然沙不算白,但勝在魚多.浸在水中來玩魚.這裡的魚好像不怕人,是不請自來的,在鳥旦島對出,可以落水睇珊瑚(local tour有救生衣及潛水鏡比你)水深只有10米,你可選擇在艇上用方包餵魚.這類tour在布吉島有很多,全部都識英文, 有d仲識講中文. 至於價錢就因公司的規模而定,行程會於約訂時間在酒店等車,之後與其他遊客一起被送到集合地點,齊人便上快艇前往.價錢約1000bath. (記得講價) 你亦可以叫酒店代店,但價錢會貴一些, 你可跟街上既local tour作比較.
其它活動 - 例如Puket Fantasy、PP島、人妖show、出海釣魚、潛水、騎象、激流... 等 - 正如上面所講,全部都可以join local tour(記得講價),亦可以叫酒店代訂. 一般agent 都OK,你落訂時, 佢地會打返去大行confirm,之後話你知幾點係你酒店度接你,每朝早大把人係酒店等tour.
至於食飯,建議去芭東區, 那裡中西法日的菜,全部都有,大排檔亦都有(在Royal Paradise酒店對面,識講中文)我果時每晚都會去,果度有好多好平既野食,豐儉由人,但以海鮮為主,你可以每晚試唔同既菜都得.
如你真是想跟團既話,就要揾間信譽好既旅行社,其實選擇旅行社首先就是要物有所值,切忌貪平,行程要適合自己,而且一定要揀它們強項的地區,以泰國為例,在行內最強當然是「康泰」啦,另外最重要就是可以如期出發,不要在出發前一星期才通知你唔成團,攪到要再搵其它旅行團,又要更改自己既假期. 我以前亦跟過「康泰」, 佢地的服務是OK.

如有問題,可再問我