本人係養魚初哥，乜都唔識......

易養o既魚唔少，但最緊要係你要定左自己可以有乜野ｂｕｄｇｅｔ、幾大地方，咁先就住器材、設備養適合o既魚。
１．如果只係有地方放個五六寸o既缸仔，或者冇乜錢用o係養魚度，咁你應該讓鬥魚。佢地生於水窪或水流慢o既溪流之中，o個度水量少，含氧量低，所以發展出一個叫迷器o既器官，令佢地可以直接吸空氣！而佢地身體亦強健，對水質忍耐力強，所以以前ｄ人甚至係店鋪，直情係月個樽仔或四寸見方o既玻璃盒仔放住，冇過濾都唔怕。一個五六寸o既缸仔，可以養一條－－而事實上佢地亦只可以單獨養，否則會打到死。
如果你有較大o既缸，咁選擇好多啦。燈魚如三角燈、金三角都係又平又易養o既魚。孔雀、劍、ｍｏｏｎ亦唔難。最小型o既燈魚係螞蟻燈，長大都不足２ｃｍ。
但你要知道要魚唔死，揀魚、新缸入水前對溫對水、日常管理、養魚量，都要注意。做得好，魚可以養幾年。俾個舊答案你參考下：http://hk.knowledge.yahoo.com/question/question?qid=7007100802243
好多魚都得，但唔係種種都咁有觀賞價值。
２．普遍魚都食魚糧，通常用片糧。食藻o既魚同雜食性o既底層魚（琵琶、鼠魚）可以餵沉底植物性糧。鬥魚則較挑食，多數只食活（紅蟲）或急凍紅蟲。鮮蟲污糟，唔建議餵，急凍蟲係一個個約１ｘ１ｘ２ｃｍo既方塊，獨立包裝，可以先放o係一個膠湯匙解凍，用紙巾吸乾水，再用筷子／鉗仔分成一個個小團，放o係一個有蓋盒仔度放入冰格，每次融一粒餵魚。
３．種種魚都會長大，但有ｄ魚成長得快，o個ｄ多數係大型魚。揀魚養時最緊要係知道魚o既習性、環境要求同最大體型，因為魚街大把大魚ｂｂ，好多都可以成尺長，如虎鯊、金筆、三間鼠、琵琶、狗仔鯨、鴨嘴鯊、金塘蚤．．．等等。
要兩寸以下o既魚，燈魚、米奇、孔雀啦。總之買之前，都要搵搵資料。
４．平靚正，我又要講燈魚啦。一袋五十、一百條紅蓮燈都係幾十蚊，六至八條金三角燈都係廿蚊。由於燈魚人工大量繁殖，所以都可以平靚正。但打袋賣o既魚體質弱（舟車勞頓、水少、個個揀時拎下放下嚇到唔停），死魚機會大過入缸養定o既好多。米奇、孔雀、情況一樣。劍、摩利就大條ｄ，似乎唔o岩你啦。
５．分性別唔係種種都咁易，只講以上建議過o既品種：
鬥魚：雄性較鮮色，一般只見到公，雌魚有得賣都會特別標明
燈魚：公較鮮色，體型較修長；雌魚較圓潤，色較淡
米奇、孔雀：同係卵胎生魚，雄性臀鰭演化成棒狀，作用如其他動物o既陽具，雌魚臀鰭就好似一般魚鰭咁。孔雀公尾鰭開得大好多，雌魚尾鰭明顯較細，顏色亦較平淡

(1) 有邊種係容易打理？冇咁易死？
答：米奇是很容易打理，一般壽命有一年。

(2) 邊種魚係食魚糧？邊種食紅蟲？
答：米奇的魚糧可以是薄片或顆粒。

(3) 有邊種魚係冇咁易大？
答：水族箱小的話，米奇是不會大。

(4) 點樣分男女？
答：雄性的米奇魚在尾鰭前的下方會看到它的生殖器，是條狀的。雌性的米奇魚在尾鰭前的下方會看到它的臀鰭，是三角型的。一般來說，雌性米奇魚的體型會比雄性的大，腹部比較圓。

(5) 想養ｏ的 Mini or Small Size ｏ既魚，有乜好介紹？
答：米奇，因為你可以隨時問人點養

(6) 咁食魚糧呢？
答：米奇的魚糧可以是薄片或顆粒。

(7) 係咪所有魚都可以食魚糧架？
答：唔係，紅龍、金龍及銀龍吃金魚、蟋蟀或蜈蚣。

依你的要求,我建議你養紅蓮燈。

紅蓮燈 (最細最平)

雖然我養到佢地變左肥燈燈,但係都唔會好大條,因為佢地大極有限。

我響旺角金魚街買,$18佢寫有100條(其實返0黎數過有五十條左右)但係留意番魚缸同魚數目的比例,否則一樣會死。我個缸7 吋半x7吋半,初時迫左五十條魚,結果因為太迫,瓜左三十多條,而家有21條肥的紅蓮燈。

外型美觀。
佢眼至尾前面的水平位有一條螢光帶,下身係紅色。望落中間好似會發光咁,前面望好似開左盞燈咁,樣子都幾可愛0架!佢地係群體魚,鍾意成群魚堆埋一齊游,聲勢浩大,幾壯觀!

紅蟲魚糧都食,但係魚糧要選粒狀, 而且較細粒的。
新鮮的紅蟲或者紅蟲乾都喜歡食。體型較大的是女,小的是男。

另外有兩種你都可以考慮:

黑摩利(最易打理)

如果易打理,黑摩利係首選。身為風水魚,當然冇咁易死!
我最初養魚,乜都唔識,亂咁0黎,但係都冇事,係除左一次因為洗缸換走哂成缸水先至死,所以養乜魚都好,換哂D水就必死無疑!
價錢平,$4有一對,配埋男女,仲成日生BB.紅蟲魚糧乜都食。男女又易分,肚鰭尖的係男,圓的係女。
不過,黑摩利唔算係大魚,但亦唔係mini size.

孔雀魚(最靚)

條尾色彩斑紋變化萬千,大尾巴搖曳生姿,非常漂亮。同摩利一樣,肚鰭尖的係男,圓的係女。體型小,但魚女體型較大。另外,男的色彩漂亮體型小,女的色彩平實,體型比魚公大。

雖然好多書同埋有人話孔雀魚易養,但係我發覺如果水質差就好易爛尾,要等水質好番條爛尾先至會慢慢生番出0黎。孔雀女每隔個半月左右就會生BB,如果你有心機就開心,但係你怕麻煩的就要考慮下。因為要在產前將佢放落生仔兜,否則佢連自己的魚BB都食,有時D孔雀魚女又因為難產而死。所以孔雀魚唔算係最易養的魚。

**樓上有人建議你養菁苔鼠,但係金菁苔體型絕對唔細,係我D孔雀魚的兩倍咁長,亦係紅蓮燈至少三倍咁長。而且好少人只係養金菁苔,通常都係在魚缸內幫手吸菁苔,屬於下層魚,功能性較多,正如一般人好少只係養琵琶,通常都會養一些上層或中層的魚作觀賞,不過金菁苔係一般下層魚中比較漂亮的,所以我缸孔雀魚入面都放兩條金菁苔,紅蓮燈個缸都放一條金菁苔。

P.S.好多魚都食魚糧,但係有些適合餵片狀,有些適合粒狀。但大部份魚都喜歡吃紅蟲多D!

(i) 有邊種係容易打理？冇咁易死？

金魚(細種)、紅米奇、波子等等
波子有金色、白色、黑色、雲石色等等
出金魚街會有一袋袋賣~
大約20蚊一袋有五、六條
我媽媽之前幫我買左袋,
仲生埋一大堆魚bb tim呀~
而金魚仔就20蚊一袋有十幾條嫁,
又抵又唔難易
只需清缸就養到~

(ii)邊種魚係食魚糧？邊種食紅蟲？

第一,
魚糧同紅蟲都係魚既糧食黎
所以根本無分咩魚食咩糧
第二,
雖然有d魚唔係食魚糧同紅蟲等等,
例如龍魚,
但係大部分淡水魚都係會食魚糧同紅蟲呢兩種野食~

如果你養例如孔雀、花羅漢等要顏色靚既魚的話,
你就選擇魚糧,
因為魚糧入面有d物質可以令魚既色水變得鮮艷d

如果你養既係金魚仔、紅米奇、摩利等等,
食紅蟲就夠嫁啦~
呢幾種顏色靚d,
但價格都唔會貴得去邊
所以紅蟲都夠~
不過食魚糧都可以,
魚糧可能會方便少少,
唔駛成日出去買紅蟲,
買一樽有排食~

(iii) 有邊種魚係冇咁易大？

正常黎講,
無魚係唔易大,
不過你想佢唔係好大條既,
就養細型既魚囉~

例如紅米奇、q版鳳凰、班馬魚、孔雀等等.
以上都係體型細既魚種,
而且最大都唔會過5cm

但係一個理論就係:
喂得少 咪大得慢囉
所以你喂少d糧就得嫁啦~

(iv) 有邊種係平、靚、正？

係依家黎講,
最平既應該係紅米奇魚,
係金魚街賣緊10蚊一袋,
入面有十條或以上~

貴少少既就有孔雀魚
一般袋魚就20蚊有五至六條左右,
如果要自己揀就20蚊四條啦~
而且呢種魚好多人養嫁,
人地話呢種魚好易生bb~
試試無妨

(v) 點樣分男女？

唔同魚有唔同分法啵,
未知道你有邊種魚前,
我地好難同你分~

下面就有教點分金魚既性別~

金魚在幼魚期是比較難分雌雄的，但如有留心的話也可以有d成數掛。

如果買幼魚時魚體比較大而圓的是雌性的機會比較高，反之魚體比較細長的雄性的機會就比較高了。但如果自己都懷疑會錯的話，可以購買每樣兩條或以上，自然成對的機會就高很多了。

成魚就易分很多了，雌性除體形外頭部也比較圓，雄性就比較長。到了生殖期就更容易分得出來了，雌性腹部脤大腹下胸鰭及尾部會出現珍珠白色的點俗稱"星"，肛門位置凸出一少段、雄性肛門位置凸出一段細長的管狀器官，跟隨雌牲後面迴游稱為"追星"。其後雌牲在前面產卵，雄性在後面射精
(from: http://hk.knowledge.yahoo.com/question/?qid=7007123002626 )

想養ｏ的 Mini or Small Size ｏ既魚，有乜好介紹？

- 紅米奇= =
- 孔雀
- 班馬魚
- 波子魚
- 金四間
- 蜜蜂魚
- q版 波子/ 荷蘭 鳳凰
- 摩利魚
- 金魚仔

咁食魚糧呢？係咪所有魚都可以食魚糧架？

一定係所有魚都食魚糧嫁啦
不過彩龍、銀龍等龍魚就只食新鮮既生物
而食人倉、鱘龍、虎鯊等等都未必食魚糧
體型大既魚有時都唔係食魚糧既~

2008-06-10 09:12:03 補充：
我喂開紅蟲既,
我有條羽毛刀由三月中養都依家= =
仲愈黎愈大條tim
仲有兩條紅米奇,
好似由一月養到依家都係大左好多

全部喂紅蟲都無事= =

2008-06-10 09:13:42 補充：
另外提一提,
養任何魚都好啦
最緊要有濾水器,
無濾水器養唔到幾多條,
亦養唔到幾多日

水質都好緊要,
注意要每一至兩星期換一次,
每次換1/3至1/4水
之前要養水一至兩日
放魚入缸前要對水tim
成袋魚放入缸水度15-30分鐘先放入缸就無錯嫁啦~

講真.

你d魚...係咩魚?!-.-

問:有邊種係容易打理？冇咁易死？
答:我介紹一種魚俾你.叫金清苔鼠.只要有好水質,同埋適當水溫,就絕對可以養好既金清苔鼠.我養左一年我果4條都冇死過!金清苔鼠係清道夫既一種.雖然係會食清苔,不過喂魚糧都唔可以少左拒果分呀!如果唔喂埋拒果分,金清苔鼠咁怕羞,唔敢同其他魚爭,餓住就唔好啦～

問:邊種魚係食魚糧？邊種食紅蟲？
答:所有魚都可以食紅蟲架～

問:有邊種魚係冇咁易大？
答:好難講.你可以買d已經係大個仔果d魚就唔會再點大啦～

問:有邊種係平、靚、正？
答:金清苔鼠,係一種容易養既魚.唔需要打氣都可以養到.又平.有d係黃色,幾得意架～有相俾你


問:點樣分男女？
答:sorry我唔係好熟.

圖片參考：http://f20.yahoofs.com/hkblog/xqD944SAER4ceFI8WBbkPXdQIZqLIAgtzg--_2/blog/ap_20080609114639799.jpg.jpg?ib_____D.8tytrIp


2008-06-10 00:37:22 補充：
食人魚呢....如果係新手就唔好養啦

因為係好難養

2008-06-10 00:40:08 補充：
係呀

所有魚都可以食魚糧

紅蟲好麻煩架

有好多細菌,好容易令魚死架

我都只係喂魚糧