✔ 最佳答案
你講得對呀.前輪同後輪,夏季同冬季,唔同車款所用軚壓都有分別.
首先講吓前後輪,一般啲日本車同其它啲私家車,副偈啲前面,相對前輪受力較大.所以前輪會打多少少氣.但貨van,貨車之類,要載貨.及部份跑車副偈係後面,所以會後輪氣壓會比前輪高.
外間温度,冬季氣温較低,路面熱量細,散熱較快,打多少少氣都無問題.夏季温度高,路面積熱量大.車輪與路面摩擦生熱,熱上加熱,基於氣體會熱漲冷縮,輪軚氣壓會增加,如果軚壓過高,會增加爆軚機會.所以夏季會用較低一點軚壓.
車款方面,一般私家車前後輪氣壓都唔過30磅(前25至28,後23至25左右).貨van會打33到45之間(睇載貨量而定).大貨車就50以上.
細cc車比大cc車低(私家車),而四驅車款比私家車高.
輪,軚方面.一般普通鈴普通尺寸軚,同用大鈴薄軚要打磅數又唔同.
Picnic要打幾磅氣,車主手冊有寫,或者如上面網友所講,B柱位附近有得睇,如果換過鈴就唔同計法啦.