✔ 最佳答案
平但唔乾淨,幾平都無用,我試過土瓜灣一間店名自稱好Pro果間,70蚊唔貴,但.......洗D唔洗D,求求其其又話洗完.........仲有果D機洗洗車屋一樣,不去也罷。
而我而家去開荃灣沙咀道鹹田街交界寶石大厦車場果度洗,果度有個志願機構,有班弱智人士由三兩個阿姐帶住做,我試過都OK,衰D講,就算同樣價錢,弱智都洗得乾淨過自稱所謂好Pro果間,何況佢地仲平D添,仲有,無乜客時,分分鐘有成五六個人同時幫你洗,又唔貴,洗車好似五六十蚊,打埋臘唔過百三,因我係van仔,所以唔肯定私家車幾錢,我亦未試過齋洗,因為我次次都會打埋臘,洗van仔連車頂都打埋臘都只係百三蚊,真係好平囉!而我就會一邊睇,一邊提點佢地邊度未洗倒,有時我仲會落手做埋一份,同執一執尾,始終只係百三蚊,想洗死人咩!在我角度而言,以百三蚊黎計,佢地做完出黎既較果一定值百三蚊,如果你同果D四五百蚊果D洗車連打臘比當然無得比。
由於果度係志願機構辦,時間較少彈性,只開星期一至五,公眾假期休息,早8晚4,無食飯時間,最遲最好3:30前到,個人建議洗車連打臘。有時間咪試一次睇下啱唔啱囉,又可以幫倒D弱智人士就業,如果覺得唔掂,大不了都只係做一次傻仔。