我好怕我倉鼠咬我,但是我想同她play,what can i do

樓上網友既方法實在唔同意,希望樓上網友唔好介意及留意一下:
1)用牙籤攪鼠鼠唻玩,有機會會整傷鼠鼠,如果牙籤尖既話,玩得過火仲有可能會插入鼠鼠既身體,咁玩真係有一定既風險
2)如果牙籤俾鼠鼠拎左or留低左既話,喜歡收埋野入腮既鼠鼠,就可能會收入腮,咁就易整穿腮,腮穿左既話,易有瘡,而且收野入去仲會整唔返出唻
3)就算冇意外發生,用牙籤只係可以同鼠鼠保持距離,而且會令鼠鼠感到被攻擊,更加唔會同人熟,鼠鼠受驚仲易誘發甩毛肚瀉等疾病

A.驚俾鼠鼠咬,最好就係同鼠鼠建立好關係,先再同鼠鼠玩
鼠鼠身體細小,得牙同爪去保護自己,所以有咩事就易咬人,試想下,鼠鼠咁細隻,人咁大,俾你忽然有日有個大你咁多既動物帶你去陌生既地方,仲想一手拎起你,唔難想像係有幾咁得人驚,所以唔好太心急同鼠鼠熟,一定要俾多D耐性

唔知你買左隻鼠幾耐呢?鼠鼠買返唻既初時,頭兩日應該唔好打擾佢,而家可以再俾2日俾鼠鼠靜下,再試下以下方法同鼠鼠建立關係:(耐左都同鼠鼠唔熟,都可以試下做)
a)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
b)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
c)再熟d再試下俾野佢食既摸下佢頭or身
d)佢都唔抗拒之後,可將食物放在手心,等佢行上唻食,慢慢佢會習慣左你既手
e)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱,抱之前記得先輕聲叫下鼠鼠先

B.俾鼠咬真係唔係幾痛,如非對倉鼠有過敏反應,被咬亦都冇咩後果,只要消毒貼膠布就可以(一般有傷口都需要咁做),最起碼你要有呢個概念先可能練大膽d唔怕被咬

同時了解一下鼠鼠咬人既原因就可以避免俾鼠鼠咬,咬人既原因多數有以下幾個可能:

1)鼠鼠受驚就好易會咬人
鼠鼠驚既時候唔好迫鼠鼠同你玩,俾多D耐性同鼠鼠相處

2)鼠鼠唔舒服既時候,可能你輕輕一抱就令佢感到唔舒服,又或精神上都會特別敏感,因為自己弱左就更要保護自己
仔細檢查鼠鼠既身體有冇異常,檢查下鼠鼠既排泄物,同埋個籠會唔會有野整親鼠鼠.

3)有第隻鼠一齊住既話,都會易咬人.兩隻或以上既鼠一齊住既話,其實好易會打交, 打交係因為倉鼠本身就係獨居動物,根本唔適合同其他鼠一齊住既. 佢地既地盆意識好強,到發情既時候先會一齊,我睇書講過,外國既倉鼠繁殖場,都係一隻籠一隻鼠,再到交配既時候先放埋一齊一段好短既時間. 成日都keep住要抵抗敵人既情緒,即係較神經質,咁就好易動不動都想咬人

4)太餓,唔夠野食就會亂咁咬,搵野食

5)你手有食物既氣味,鼠鼠有機會會誤以為係食物而咬落去

6)懷孕既鼠都會特別精神緊張,從而成日咬人

放心吧~~~
倉鼠如果係年紀細,
你就可以比佢食野同叫住佢個名,隻手碰埋D!
等佢記得你ga味同埋佢個名,再個多幾日,
就會乖乖向你投降~xd
呢d都係我真人經驗...

如果佢仲咬你,
只係佢想跟你玩....

你都可以睇番一d倉鼠品種...
唔同ga品種,都有唔同ga性格同特徵~~~