魚缸問題 - 有無人上門幫人做假滴漏

呢個問題又幾特別喎．．．
當然你可以問下承造魚缸o既鋪頭接唔接你個單（真係唔問唔知），但係要清缸，黐完玻璃璆要再浸缸，都好大工程喎。
其實你因乜事想後補造假滴漏？諗返假滴漏功能：
．去油膜：假滴漏要 keep 住水高於疏隙入水位先發揮作用，變相成為除油膜o既工具。但如果你用濾筒的話，可以接駁除油器，即係將濾筒入水變成一個向上、一個向下，向上o個個僅浮出水面少少，可以吸到油膜，咁就唔駛咁大工程。
．濾水：加一個小型濾筒、掛濾，都可以簡單咁提個整個缸o既過濾效能。如上述，如果水蒸發到入水位以下假滴漏就發揮唔到。
而假滴漏呢樣器材最大問題係佔用缸內空間（仲唔少添）。如果真係要，人地又唔上門整的話，其實都可以自己o黎o既，賣水族用品o既鋪有ｄ所謂魚缸專用玻璃膠，你可以試下，唔得咪用界刀界開o黎過囉。
再唔係，可以買現成o既：http://www.aqua-fish.net/imgs/articles/aquarium-filter.jpg
呢隻入水口o係下面，咁就冇水位不足o既問題。