我想問美心西餅員要做d咩野,,同埋工作服裝or髮形上有咩要注意??

美心西餅員要負責店內日常所有運作。

工作：
1.如果係大鋪，有潔淨員，都要做基本既清潔，抹下D架同碟。
2.上貨，將每日運到既麵包、飲品、蛋糕上架。(應佢地公司既程序和要求擺好)
3.收銀，到做落一般日子，就會幫手收錢、入機。
4.服務，呢樣係最重要既，要做好服務，講多D歡迎光臨，多謝等…
最緊要係有笑容同禮貌對客人。和解答客人既問題。
5.記價錢，要記熟佢地所賣所有產品既價錢。

如果係細鋪，無潔淨員的話，就要負責洗埋毛巾，拖下地、掃下
地。

手板眼見工夫，很容易做得來。只要你對同事有禮貌，教你野時要講好呀，唔該，麻煩你呀，佢地都會好俾心機教你既~
-----------------------------------------------------------------------------------------
服裝、髮型儀容：
1.會有制服俾你，保持制服整潔。
2.不可染髮，頭髮長要扎起，前陰前夾好，不可遮眼。
3.不可留長指甲，要整潔。
4.要塗唇糕，某些分店還要塗眼影。(最好就化埋妝，淡妝)

若你係問見工既((工作服裝or髮形上有咩要注意??))
可參考上列第 2 至 4 項，和簡潔自然服裝。

P.S 加油!

我都起美心做過:
要輪班.. 如果返早, 要起5點半前返到做既分店..
預備煎三文治, 要起7點開鋪前搞掂晒, 包好.. 切好, 清潔埋鋪面先開鋪..
仲要餅車一到左, 要處理好!! 所以都幾辛苦架!!
如要見工, 要去到tst總行.. 星光行人事部直接去見都得架!!
佢問你d野, 好普通既野!!
儀容:
夾好額頭前面d hair.. 紮"邊", "茶"x膏.. 有d要化妝, 有d吾使都得!!
吾可以留手甲.. 要清潔!!