✔ 最佳答案
如果你而家可以跑到2600,又有半年時間,3000 唔係問題,只係睇你肯唔肯下苦功。
首先,你每次訓練都起碼預一小時至一個半小時。
可以先跑一次12分鐘跑,每次都盡你能力可以跑幾多米就幾多米,如果你係定期跑,即一星期跑2或3次,每次都應該會有少許進步既。淨係咁做,半年後都應該可以跑到2800-2900架喇!
不過如果真係要上3000就係另一個Level。每一次練習,跑完12分鐘跑後,再加以下訓練,就可以將訓練量加大。
1, 完成12分鐘跑後,休息10分鐘,再跑一次中速1500M,目標以5分鐘內完成,以訓練中高速耐力。
2, 完成1500後,10分鐘休息後,再跑一次高速400M,訓練12分鐘尾段用既高速耐力。
3, 完成400M後,10 分鐘休息,再跑一次慢速1500M。
咁樣都足夠運動量去訓練,如果你可以將上述既訓練輕鬆完成,你12分鐘跑3000 應該差唔多。