老公已沒有回家

4年沒有回家, 可於家事法庭單方面申請離婚. 現理由很充分. 最重要的一點是, 妳在過去的一年是否有同妳老公做愛, 如肯定汲有, 便99%都沒有問題. 離婚令可送妳老公工作0地方比佢簽收. 如他不簽名, 又不上庭, 法官99%都會頒離婚令. 記得同妳老公取贍養費, 如有小孩, 一定要取.
申請單方面離婚可自行申請或去政務處問一下, 又可通過律師代辦.
不過, 餘下1%之問題, 是妳是否想離婚.

如果你真係有心跟丈夫分開，你可以自己單方面申請離婚，兩年就搞掂，無話唔得，只係你對他還保存一份希冀！
其實你都唔需要再等佢，無結果。佢拖拖拉拉唔離婚，可能怕你跟他分身家，或有其他原因，我想你一定會知道答案。
人生苦短，點解要令自己咁唔開心、咁辛苦，為一個變心的人！請你盡快收拾心情，了結應該搞清楚的關系，令自己的將來活得開心自在，無謂為他日日行屍走肉，唔值得！

你明知個老公有女人, 你都可以等佢四年長, 係唔係要等

四十年先呀? 同佢嘈係無用咖! 佢唔去攪離婚, 咪你去囉!

你一日唔攪清楚, 係你自己痛苦, 你老公攬住第二個女人,

好開心, 有無必要等一個, 己經唔愛你, 對你唔專一, 變咗

心既男人? 你話想死, 你死咗對你老公仲好, 連離婚都唔使,

乜嘢贍養費都慳番, 分分鐘仲可以連你D財產都攞埋去, 貼

果個抅你老公既女人添, 咁樣你甘心咩? 死得眼閉咩? 積極

D面對, 面對自己, 面對父母, 面對將來, 唔好俾男人睇死你

無佢唔得, 有時間就打扮多D, 令自己去到最佳狀態, 等個男

人唔好以為佢好緊要, 無佢唔得, 做女人要爭氣, 嘈 ~ 就顯你

無教養, 無辨法, 無能力, 要沉靜應對, 自己去搵律師申請離婚,

將申請表寄返屋企俾男方簽名, 無謂再同佢講, 都四年仲有乜

好講啫! 若男方唔簽, 就申請單方面離婚, 呢個結唔解開, 你永

遠都活在痛苦之中, 可必呢!!!!

你好深愛他嗎? 佢都同人同居咗四年啦, 乜你仲未死心咩? 你們之間嘅問題, 不管誰是誰非, 能够四年都唔返屋企嘅, 中肯啲講句呀. 會返屋企嘅機會係好細, 但又唔係完全絶對嘅, 你唔通係度等佢返來咩? 就算俾你等到佢返來, 咁又點嗎? 何况你又唔知要等佢幾多年, 不過依家嘅年代,
無話無咗邊嗰唔得, 佢識搵開心, 唔通你唔會咩? 你都可以搵一個同你兩情相悅嘅異性, 過點開心嘅生活, 人生在世嘅光隂係好短暫, 點解你要浪費自己有限嘅光隂呢? 若然佢日後眞係會返轉頭, 你大可視乎情况, 若你嗰時仲未有你深愛嘅人, 而你對佢又仲未忘情嘅話, 你再次復合都無可厚非嘅,大家 嗰啲曆史, 你抱着, 你有我有嘅心態, 起碼你個心都舒服啲呀? 至於點樣做, 都係你自己决定啦