保險新入行

工作範疇
當保險從業員當然以取得保單為主要工作。無論你是代理人（又稱agent）還是領導一班代理人的經理，都是以此為目標。作為代理人，首先要了解客戶的財務需要，用專業知識、經驗及技巧為客戶訂定各種配合他們需要的計劃，並引領客戶作出周詳的考慮，然後再跟進。此外，代理人還要定期跟客戶檢討保單的保障範圍是否足夠他們當前的需要，以及每年最少與他們溝通一次，提醒客戶買保險的動機，這樣保單就不會輕易中止。因此，代理人的工作並不是游說客戶買了保險之後就一了百了的。
若選擇轉做管理人員，首先要招聘到一定數量的代理人，並要對下屬作相應的培訓。保險範圍很大，保單類形又多不勝數，代理人要向客戶清楚講解，就如一個人識游水不代表識教人游水，保險代理人也一樣，自己明白保險的性質意義固然重要，但能夠清楚講解給客戶知道則更為重要。

入職要求
現時政府規定新入職的保險從業員必須中五畢業，並要通過保險中介人考試，以確保保險業的質素。每位保險從業員都應該每年接受培訓，主要是認識新產品、提高自信及建立正確的工作心態，以及增強表達技巧等幾方面。由於保險業在顧客服務（custom service）上的要求甚高，因此從業員必須加強這方面的培訓。保險從業員在行內有「孤獨戰士」之稱，即大部分情況都是單獨工作，要自己面對一切，因此積極進取的心態和耐性非常重要。
個人條件
有志從事保險業者，首先看看自己有沒有以下六個基本條件：
1. 喜歡與人接觸；
2. 認同這不是打工，而是自己的個人事業，要好好掌握時間，也要自律；
3. 肯面對環境改變，具應變能力；
4. 保險業經常有新產品推出，要不斷習，因此要具學習精神；
5. 有誠信，不能只為取得客戶保單便胡亂許下不切實際的承諾；
6. 相信保險確能幫助人，而不是純粹推銷產品。

晉升前景及待遇
大部分的保險公司都沒有底薪制度。保險業是「多勞多得」的行業，不論是代理人還是管理層，想有多少收入全要看自己能力，故每位從業員也應為自己釐定收入指標，然後朝目標邁進。
晉升方面，也視乎個人目標而定。如果喜歡前線工作，則無所謂升職，當然生意額至一定數目時職銜也會提升，但對工作性質並無影響，主要仍是做代理人，負責客戶而無需帶新人。如果想從事管理工作，可以轉做招募。做招募要維持有一定數量的代理人，也要確保旗下代理人有一定業績，如果未能達到這兩個指標，便要回到做代理人的行列。當然，若旗下代理人表現出色，你的收入亦相對增加。
薪酬指引完全視人而定，沒有指標可言。
進修階

自2000年1月1日起，保險中介人（包括保險代理人及保險經紀）必須通過由職業訓練局轄下的專業進修中心舉辦的保險中介人資格考試，並於日後參加持續專業培訓計劃，始可繼續從事此行業，藉以保障投保人士的利益。
保險公司會為新入職的代理人提供免費的內部培訓，協助他們應付上述專業考試。另外，多間院校，包括︰香港科技學院、嶺南學院和職業訓練局均提供各種保險業的短期兼讀、全日制及學位課程

我講野好負面，但又好真，以下係常見實例，100%真事：

招聘廣告「喎！」：
$10000 + 佣金 + 津貼 + 獎金
MPF, 醫療保障

好「正」呢？我先為各位解釋一下：

(1) 首先，$10000係借貸，係要還，享佣金收益度扣，即係話冇老底，做個保安都有$6000老底，考慮下自己經濟條件是否可以支撐到搵夠客。

(2) 佣金：頭先都講過，好多招聘都講保費50-60%會係你工資，咁講做兩三年咪唔駛做？唔好發夢囉，頭一年就係，冇新客谷種都得勒。

(3) 津貼：你以為係錢黎嫁？係你同埋班同事去商場擺擋，每人夾三百，公司每人津貼五十蚊，即係貼錢幫公司做宣傳。

(4) 獎金：唔駛講啦，間間公司做top sales都有獎金，冇獎金sales實跳槽，駛標榜？

(5) MPF：唔係福利，入行一般以自僱人士聘用，佢地假定左你每月已有一萬蚊收入，要每月俾500至1000蚊去佢地保險公司既MPF戶口，廣告冇扼你，係你唔知睇左乜！

(6) 醫療保障：睇左上面咁多，你都醒水啦，係入職就要agency強迫要為自己購買醫療，係同返果間保險公司買，你仲以為係福利，你邊度見到福利二字？


入行一般做法：

剛畢業冇乜人際，又冇coldcall經驗，點會有客…

第一個月：
先叫你游說你直系家屬買保險，讓你賺第一桶金。

第二個月：
叫你俾晒同學仔D名單佢，讓你嗌晒佢地出黎，你同個保險經理一齊見客，咁個經理（Recruit你果個）就搵到一大班客。

第三個月：
你都冇客咯，咪叫你用之前賺落既佣金幫自己買單，咁咪捱到第三個月囉，你賣到單，佢都分到餅仔嘛。

你捱到第四個月都唔炒你，算你叻仔，因為你做滿三個月，佢就賺到筆介紹新人獎，夠三個月你又搵唔到生意，冇晒利用價值，仲要你黎做乜？所以考慮清楚至好入職。

不過世事無絕對，我相信你都會創造奇跡，但我會建議你去銀行入職比較有保障，而且有老底，做完份工作證明都可以拿出來…你夠擔同你講你既工作經驗係「保險經紀」咩？見到都驚！