✔ 最佳答案
其實你咁問,都可能係人言人殊架喎,最後你會信邊個講法呢
圖片參考:
http://tw.yimg.com/i/tw/ugc/rte/smiley_9.gif
冇打算又上網搵乜野乜科物科魚資料,只要用 google,你自己都識搵啦。我就只打算講d個人經驗。
斑馬最過癮o既地方,就係佢地極速游水,快到令人吃驚。呢樣特性亦最令人怕怕,驚佢會咬其他魚,而其他魚冇乜有佢o既速度,咁咪冇剩?
我自己開缸時一買就六條斑馬。原因係,其實追逐係佢地o既本性,而呢個追逐特性唔係攻擊性,同慈鯛唔同。佢地志在有得追,追到可以啄一下,但唔會好似狼群咁圍攻、將被追到o既魚咬死。一次買六條,就係等佢地有d咁上下速度o既追逐伙伴,咁自己玩到不易樂乎,其他品種o既魚就只要游埋一邊睇戲,有安樂日子過。
以我o個六條睇,佢地比較鍾意o係上層水域活動(當然追逐時都會去到底層),同佢地一樣o係水面蒲o既鉛筆魚,身有橫紋,可能個樣有少少似,所以有時會被騷擾,但都冇乜事發生,斑馬對佢地o既興趣,只限於衝埋去,對方遊走,佢亦都會停。而同樣經常o係水面之下停留o既金三角燈,一d都冇受影響。
以呢個經驗睇,我有幾個意見俾你:
1.如果缸細,斑馬對其他魚影響可能大d
2.如果有細魚(如1cm長o既螞蟻燈),唔好同缸養
3.最好有d水草,追逐時(不論魚種)都有得躲避
2008-06-09 02:19:51 補充:
事實上六條斑馬之中,冇一條係被攻擊o既對象,有時被追o個條一轉身,衝返轉頭,就變左另一條被其他魚追。
例外情況:發情期,雄魚個身明顯呈金黃(我o個d係黃色o既普通斑馬),雌魚就門顯灰d,咁呢個時候就係幾條雄魚死追條雌魚。